رد الشاعر فواز الحنيحني على قصيدة البرمجة

05-09-16, 11:24 PM

الشعر سبك وحبك واسلوب واداب
وجهت نظر ،،،،،شاعر وتفسير قاري
له دافع"لاحركه،،،،،،،،،، منه ينساب
ويسري بفكر اللي ورا الجزل ساري
يامسمعناا،،،،،،،،ا منه ماشد الالباب
وياما سمعنا ،،،،،،،،من كلام وهذاري
ولو كل من غنا،،،،، على الجزل تعاب
ماطار بالعجه،،،،،،،،،،،،وغنا مكاري
ياصوت صوتك صوت عالي وجذاب
ياذيب لو لجة،،،،،،،،،،، عليك الضواري
اقنب عسي اللي ،،،باخر الليل حطاب
يفداك ياحر"لفعلك،،،،،،،،،،،،،مواري
وكلام خلق الله ماهو وحي،،، بكتاب
ولاهو حديث ،،،،،،،،،،ولا رواه البخاري
اسباب غيض الناس،،،،لو ماله اسباب
بعض العرب ضد،،،،،،الرفيق انتحاري

06-09-16, 11:21 PM

صح الله اللسنتكم
بعجالة. . ولي عوده
الشعر أدب .. تقييم به الشعر..

07-09-16, 02:23 AM


	المشاركة الأصلية كتبت بواسطة مجردد انسان


	الشعر سبك وحبك واسلوب واداب وكلام خلق الله ماهو وحي،،، بكتاب ولاهو حديث ،،،،،،،،،،ولا رواه البخاري اسباب غيض الناس،،،،لو ماله اسباب بعض العرب ضد،،،،،،الرفيق انتحاري !؟

الشاعر الذكي لايهتم بـ نقد الناقد اوالمطبل.

والنقد فالمواضيع او القصيده المطروحه امامنا لاينظراليها بنظره عدائيه
زي ما قيل واستفزع بصديق لأفرض الموضوع او القصيده على المتلقي
مع احترامي لك . لا

هي امانه ليس الا . لااعرفك ولا تعرفني

النقد هوضمير وامانه لتبصير المتلقي

والكاتب او الشاعر بالعكس يستفيد من اخطائه..

يبي يزعل من النقد لايعرضها

يدونها في ديوانه

[web]http://www.m-harb.net/vb/showpost.php?p=1441876&postcount=1[/web]

وهنا تقول
ولاشـريت لـسـان لـلـشـعــر جـــلاب === ولاني بسوق الشعر بايع وشاري
ولاني بشعري منتظر مدح واعجاب === تاج ولبسته وافــتـخــر بـه وامـاري

اللي نشوفه امامنا الان تناقض

ولاني بشعري منتظر مدح واعجاب

رغم ان القصيده جيده فالوزن ..ولكن جمال القصيده لا يكتمل على الجمله والنظم فقط

مشكور والله يعطيك العافيه

07-09-16, 06:35 AM

يمكن عليه اقصاد متاخره حال قصدها ياكليل


	المشاركة الأصلية كتبت بواسطة مجردد انسان


	الشعر سبك وحبك واسلوب واداب وجهت نظر ،،،،،شاعر وتفسير قاري

الشعر سبك وحبك ودبك وسواليف واداب

وجهة نظر شـــاعر ايتجرعها القاري

هذا والله اللي بيكحلها واعماها

اخواني الصغارسايرين نقاد ومبدعين فوزي وكليل
بشويش عليهم يافواز

07-09-16, 09:57 AM

صح الله ابدان الجميع
وشوي شوي بالهجوم ، واحب اوضح وجهة نظري وقصدي بردي على اكليل
وهو اني شاعر واكليل نقدت ولولا النقد لما تطور الشعر
الشي الثاني انني نزلت شيلة بتويتر وشكك بعض الناس انها مسروقه او مشتراه فرديت بهذه القصيده ( البرمجه) ورد الشاعر فواز يقصد من شكك بهذه الشيله بتويتر وهذا الكلام قبل شهرين تقريبا
ولم اقصد اي احد بهذا المنتدى مع احترامي وتقديري للجميع ولمن استعجل بالرد
وبالنسبه لبيت الشاعر فواز فهي قصيده طويلة قيلت قبل عشر سنوات تقريبا
واوردها لكم كاملة :

ياعناد زانت شبت النار ياعناد=عجل علينا بالحطب ياعضيدي
واشعم لنا وقده وزدها اليا زاد= برد(ن) يقص العضم لوهو حديدي
واقلط على وارد مثامين بغداد= ماباعها بالسوق هندي وزيدي
ماهي دلال السيف لا يبن الاجواد= ولاهي ترامس قوم( بابا)( وسيدي)
وعطني وسمعني قصيد بن عواد=ولا من العملاق والا الوسيدي
الشعر له في ساحة الشعر رواد=وعلى مناهجهم سريت بقصيدي
قلته وانا يهل التماثيل قصاد= واليا نضمة ازن معاني جديدي
ازن واسوق القاف والقاف ينقاد= قود الجمل لاقاد وقت المديدي
وانشد وانا عن حامض العلم نشاد= واسمع من اهل المعرفه واستفيدي
ياعناد كثر الهرج والقرق مافاد=مافاد من قاله ولاهومفيدي
لو قال انا كحيلان ولا ابن شداد= ولوقال انا البيطار رايي سديدي
للشعر شاعر ثم راوي ونقاد=ولولا الثلاثه طاوي (ن) منه قيدي
والوضع اشوفه صاير طلاب وجهاد= ويالله تجملني وترفع رصيدي
طالبك يامن يمك العبد لا عاد= تدمح وتقبل تايبين العبيدي

07-09-16, 10:41 AM

الاخ يوسف العوفي ماقصرت ردك يدل على طيب معدنك تقبل تحياتي

09-09-16, 06:51 AM

آسف على التأخير في الرد


	المشاركة الأصلية كتبت بواسطة مجردد انسان


	الاخ يوسف العوفي ماقصرت ردك يدل على طيب معدنك تقبل تحياتي

هههههههه الله يسعدك

ماهي بيننا العلوم هذي فداك من عاداك ياولد العم
والزعل مرفوض بيننا وانا اخوك وسع سدرك والقلوب اصحاح
ماهي الا تنشـــيط وإثاره للمياه الساكنه في القسم
والله يقصيدة البرمجه ماشالله عليك قصيدة شاعرماهو بسيط من تسلسلها
وحرفنة ابياتها تدل على تمكن الشاعر الحق والله

اطيب تحيّة

09-09-16, 08:07 PM

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

13-09-16, 04:32 PM

صح بدنك ويعافيك ياابيض الوجه