مناشدة للقدير عيد البلوي بفك أسر السجين احمد السحيمي

سلام لأهل الحق والحق معروف = راس السحيمي كان تبغون راسه
لاكن دقيقه واسمعو شي مألوف = بعرض عليكم عرض مابه سياسه
العرض يوم العرض ينشاف بالشوف = بالدًار الاخرى غير دار الغراسه
يوم الجبال تسير ماكنًها الصًوف = وتبعثرت كل القبور بشراسه
وملائكة ربي كما ذكرو صفوف = والنار بأمر الحيً معها حراسه
والناس بالمحشر دخل فيهم الخوف = كلً تمنًى لو تصدًق بطاسه
ياليتني قدًمت بالدًار معروف = دنيا بها الغالي يعوًد نحاسه
دنيا تسير وكلها هموم وظروف = وكلًن يفصًل للقيامه لباسه
المسعد اللي يكسب الوقت ويحوف = لا جا مجال الخير زايد حماسه
ياعيد ندري جاك بالوقت صادوف = شيً مقدًر عند ربي قياسه
الامر للمولى مقدًر ومكشوف = وبعد الصًبر لابدً تجلا العماسه
ننخاك وننخى من بلي كل ملهوف = للخير فارس وانتم اهل الفراسه
اهل الكرم والطيب ذا شي معروف = والقصر مايبنى على غير ساسه
المدح فيكم صعب بأبيات وحروف = بحرن عميق وكيف ابغرف بكاسه
اطلب من الواحد يليًن لك الجوف = وتعفو عن اللي شال همه وباسه
تكسب رضى ربي ودعوات من عوف = ويكسبً بها المرحوم صدقه براسه
واعرف ترى بالوقت رادف ومردوف = وراعي الجميل اليوم بكره بتعاسه
وعداد من يسعى من الناس ويطوف = صلًو على المختار واهله وناسه

اللهم صل وسلم على رسوله الكريم
والنعم في قبيلة بلي وكل القبايل
والله يرحم ميتهم ويلين قلوبهم
العتق السحيمي
وهم اهل الكرم والجود
والعفو عند المقدرة شيمة الكرام
صح السانك لاهنت والله يكتب لك اجرها
ويبعد عنكم وعن كل مسلم نزغة الشيطان.

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك