البارحه طقيت لي طنب واوتاد / على غدير النادره والجزيله

صبحكم الله بالخير



البارحه طقيت لي طنب واوتاد
على غدير النادره والجزيله
العب على الطاروق واقيس الابعاد
وادورالمعنى براس الفتيله
لو دونها رمي ومقابيس وزناد
اجيبها لوكان بأية وسيله
شاعر ولي وقفه وسيره وميلاد
ولاحب نكران الجميل وجميله
حربي وربعي للثيقلات رواد
من ضامهم ماعاد حيله يشيله
نقلط على العليا جماعات وافواد
وليا دعا الداعي كسبنا حصيله
كم غازي جانا يدور له امجاد
وعود يجر الخايبه والهزيله
وانا على درب الرياجيل معتاد
ورويثي رويثي بدم وفصيله
قبيلة بالطيب شجعان واسياد
ياحي طاريها وحي القبيله
اهل الجيوش الحمر لاحل ميعاد
ام الحوير في كنفهم تجي له

عبدالعزيز مناور الرويثي الحربي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

نص راقي جمع بين الجزالة
والفخر
والنعم في كل حرب
صح السانك لاهنت

الشاعر
عبدالعزيز الرويثي
صح الله لسانك
جزل

صح الله ابدانكم جميع وماعليكم زود

وبيض الله وجيهكم

صح لساااانك ونعم كفؤ بيض الله وجهك

	المشاركة الأصلية كتبت بواسطة ابوهليل

	صح لساااانك ونعم كفؤ بيض الله وجهك

صح بدنك وماعليك زود وكفوك الطيب يابو هليل

ووجهك ابيض يالامير

كفو يابو مناور ابداع منقطع النظير

صح لسانك

اعجابي وتحيتي يامبدع

	المشاركة الأصلية كتبت بواسطة أبو أجوان

	كفو يابو مناور ابداع منقطع النظير صح لسانك اعجابي وتحيتي يامبدع

كفوك الطيب يابو سليمان وماعليك زود طال عمرك

وصح بدنك واعجابك محل تقدير ووسام شرف


لاهنت

كلام جميل يسلمو