ردي على الشاعر متعب المحمدي

الشاعر متعب عزيز المحمدي

سلام ياهل الطيب يامنبع الطيب
يالعزوه اللي بالمواقف لها اخبار
وأخص ابوتركي وفاء بالمواجيب
ربي يفكه من صواديف الأقدار
راع المواقف راع الفطر الشيب
زبن الدخيل مكرم الضيف والجار
لاجاء نهار الجد ماوالله يغيب
لاجالها بركان واشتبت النار
مقدام ربعه معطبين المضاريب
حرن تسلسل من مواكير الاحرار
له مع رموز الشعر وقفه وترتيب
لاجاء نهارن فيه تصنيف الأشعار
الشعر من معناه ويردده غيب
يومن بعض الناس يطرب على الطار
تكفى على القلطه تويق المراقيب
وتاقف لك الصفين حشمه ومقدار
وصلاة ربي عد مايبذل الطيب
على النبي الهاشمي سيد الأخيار

رد الشاعر سعد المحمدي


مالاح براق الحيا بالمناصيب
وهلت هماليله على جرد الاقفار
حياك ربي ياكثير التراحيب
بالضيف والجيران من كل الاقطار
يامتعب عزيز بعيد المجاذيب
راع الدلال اللي بهن بن وبهار
ماقول لك مخطي والاقايل امصيب
للجيش مضمارن وللخيل مضمار
اللي يعرف الذيب مايجهل الذيب
وماكل من غاص البحر جاب محار
هذا وانا ابشكيك شلة زواريب
تسرح مع الثعلب وتضوي مع الفار
رصاصهم وقت الشدايد مكاذيب
وعلى الرفيق المتزن حد منشار
اقلوبهم من كل عله معاطيب
الحسد والغيره لهم رمز وشعار
من عاش يامتعب على الشك والريب
يشتالها ويضيق به كل معبار
ومن نظرته فوق النجوم المراقيب
لامرته ياطيب الفال ماحتار

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح السانه والسانك ياسعد ملايين

وبيض الله وجيهكم جميع على هالجزاله

صح الله السنتكم
صوت وصدى ولا اروع
قول وفعل

كلام جميل يسلمو

صحة السنتكم جميع الله يعطيكم العافيه

الحب الباقي
عبدالعزيز الرويثي
الكحيله
تكفيني الذكرى
ابو هليل
صح الله ابدانكم
الجميع

صحة السنتكم جميع الله يعطيكم العافيه

صح السانك وبيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة