اسمعوا مااقلت وانت لاتقلي

اسمعوا مااقلت وانت لاتقلي = ماالخبر وانا مفسر لك كلامي
العطا مبذول والمفروش زلي = معدني من عهد مرحوم العظامي
قول حياالله من في الدار حلي = عادتي وافخر بها طول الدوامي
كل ماجونا عرب قمنا نهلي = سلموا واللا مانادوا بالسلامي
ديدني والمنتدى الحربي محلي= مرحبا في مرحبا خذها شمامي
قلتها من غير خوف وغير ذلي =من تواضع واعتلا منها مقامي
والمثل قال المهلي مايولي =مرحبا مبدا الكرم عند الكرامي
جيت مع ربعِ وحاسبهم هلِ لي= كيف لا والغانمين ابنا العمامي
لابة من قربهم مااحد يملي = ياسقا الله وانت واياهم ليامي
حبهم كل المعاليق استحلي = حبِ انقى من هماليل الغمامي
وانتبادل كل علمِ مستقلي= لاعطيته علم جا علمه قوامي
والنصايح كل ساعة تستهلي =واللغو مايدخل اعلوم الحشامي
وكان تاه الفكر يلقى من يدلي= ياخذه للنور ويزيل الضلامي
عشرة الاجواد فيها كل حلي= من مشاربهم روي من كان ضامي
عشرة منها ندل ونستدلي = والله انك وانت معهم ماتضامي
والشعر لصار له مغزى يسلي= خص لكان الهدف منه احترامي
وللرسول المصطفى سلم وصلي= ياصلاة الله على خير الانامي

صح لسانك وبيض الله وجهك

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

صح لسانك وبيض الله وجهك

شيخنا الفاضل/حسين ابن مريع العبيدي
صح السانك وسلم بيانك
لاهنت
ولاهان منطوقك

قصيده رائعه بكل ماتعنيه الكلمه وبحر جميل جداً وكلمات سلسه لافض فوك شاعرنا وصح لسانك




تحياتي لك

وصح لسانك مليون وبيض الله وجهك

	المشاركة الأصلية كتبت بواسطة فواز الزويهري

	صح لسانك وبيض الله وجهك

صح بدنك وطال عمرك
شكرا على مرورك ولك تحياتي

	المشاركة الأصلية كتبت بواسطة الحب الباقي

	صح الله لسانك يا القرم والله يـعـطـيـك الـعـافيـــــــــــة بيض الله وجهك

صح بدنك وطال عمرك
شكرا على مرورك ولك تحياتي

	المشاركة الأصلية كتبت بواسطة نديم المجرة

	صح لسانك وبيض الله وجهك

صح بدنك وطال عمرك
شكرا على مرورك ولك تحياتي