قصة ... خليفة .. اخو صابر .. كما اوردها .. خليفة

السلام عليكم ورحمة الله وبركاته


اااااااااااااااااااا

يا سلام الله .. سلام .. في سلام .. في سلام
ردة .. تطفي لضى .. الضميان ..لاهب الهجير

سقتها .. وآسوق معها .. قصة .. عند الحشام
قالها شارب خليفه .. وهو .. على نفسه بصير

قال : اخو . صابر ..خليفة بعد ماطاب المنام
وبعد مابيض الليالي .. قادهن .. سلك الحرير

صابني .. سهم عطيب .. و خنجر تحت الحزام
من قصير .. تحت بشته شال .. شر مستطير

دور الفتنة .. ودارت .. بين قبلة .. وبين شام
وهبت الازيب بصرصر .. والشمال .. بزمهرير

وانا ما .. ودي بقصة ... جات من عشرين عام
ترفع اللي ... ما ينومس .. غارتي وقت النفير

واعتزيت .. بهيبة .. لاخوي .. مرحوم العظام
وقفي مع .. هيبتي .. ياهيبة .. اخوي الكبير

وذكرتني . في و صايا .. العود يا مال الرحام
يوم قال : اسمع و صاتي ... ياخليفة واستخير

احتزم ... في قصر جالك .. من رفيعين المقام
مالك الا .. فزعته. . لو كان في عينك .. قصير

و كان بابه .. ياخليفة ... حال من دونه عسام
و لا تباين لك. .. طبيب ... يجبر العظم الكسير

لا ترد .. عد المرار .. اللي يصدرهن .. هيام
لو رهاوي من سماه ... العرق لا مرر خطير

دور اللي لامشى ... يمشي على حد الحسام
ولاعرض لك ماقف يقطع كما السيف الشطير

وان صدفت اهل المناصب ..لا تقول الحظ قام
كم .. راعي . منصب مافاد في اليوم العسير

المناصب ... اهلها في الحرب والا في السلام
احد شهير .. بمنصبة. واحد به المنصب شهير

وان نزلت بحيد سوق . وطاب لك حسن النظام
لا تحسب . السوق كله .. يحكمه صدق الضمير

في زمان المال .. ساد الراي .. بياع .. الكلام
ولا سمعنا .. كلمة اللي .. يملك المال اليسير

لين ما دارت رحاها .. و بان من ضرب السهام
من .. بلا مال .. غني .. واللي معه مال فقير

ياطير ياللي .. من السراة لياجبال طويق حام
لا تقول .. الوقت الاول .. ما يجي مثل الاخير

قبل لا ترمي .. جناحك استمع .. مسك الختام
حكمة .. في الناس قبلي .. قالها . رجل خبير

ان كنت مكسور الجناح تعيش في دنيا الظلام
وكان .. جنحانك ..تقلك عن وطى الدنيا يطير

وسلامتكم

سلمت وصح لسان شاعرها

يسلم راسك ويسلم راس شاعرها

تسجيل تواجد في منبر الجزاله
صح لساانكـ
بيض الله وجهك

	المشاركة الأصلية كتبت بواسطة الحب الباقي

	تسجيل تواجد في منبر الجزاله صح لساانكـ بيض الله وجهك

ماعليك زود

وجهك ابيض

وصح بدنك

الشاعر محمد اليوبي
مشكور على النقل
صح لسانك ولسان شاعرها

	المشاركة الأصلية كتبت بواسطة سعد المحمدي

	الشاعر محمد اليوبي مشكور على النقل صح لسانك ولسان شاعرها

ابو تركي

تسلم ولا تندم

لكن تراه لي

حفظكم المولى جميعا

صح لسان ناقلها
وقايلها
جزله وطاروق غناااااوي والعلم ضاااوي

	المشاركة الأصلية كتبت بواسطة ابوعوض

	صح لسان ناقلها وقايلها جزله وطاروق غناااااوي والعلم ضاااوي

صح بدنك

الله يعافيك

الا انتو علامكم كل واحد يقول يسلم ناقلها

...

اقولكم هي ... لي ....لي .....ماني نلقلها

صح الله لسانك
ولاهنت
وسلم فكرك وبنانك
دمت برعاية الله وحفظة