الله يبيح اللي فقدناه قبل أمس .

الاخوه في ملتقى قبيلة حرب الرسمي
السلام عليكم ورحمة الله وبركاته.
لقد فقدنا يوم الخميس 15/3/1435 أحد رجال قبيلتنا العزيزين عليناهوالاخ/ رَشيدّ بن سعيّد بن عياد العلوي رحمه الله رحمه واسعه في حادث أليم بالقرب من أم عشر توفي فيه حالآ.ونظرا لكون رَشيدّ رحمه الله من الرجال القلايل على الرغم من كونه شباب إلا أنه خدم مجتمعه بصمت الرجال الاوفياء رحمه الله .اسأل الله عزوجل أن يتغمده بواسع رحمته وأن يلهم والده وأولاده وأخوانه عظيم الاجر والسلوان إنا لله وإنا إليه راجعون.
الابيات التاليه قلتها رثاء في رَشيدّ بن سعّيد رحمه الله.

الله يبيح اللي فقدانه قبل أمس=في حادثن بين الحفر والقصيمي
جاني خبر موته عقب غيبت الشمس=قالو خذاه الموت عقب العتيمي
مكتوب والمكتوب من فارض الخمس=هو الذي بإجآل خلقه عليمي
رَشيدّ راح وضامري من حمس حمس=حر الفراق وشوف عودآ كظيمي
جينا نواسي شايبن من عمس عمس=عبرات وجدانه تهز الحليمي
ومن هول ماشفناه عودت للجمس=ماهو جزع دمع العيون وشهيمي
رَشيدّ ودعناه من يعلم الهمس=الله يعوضه باالنعيم المقيمي
عساه بالجنات يغمس بها غمس=وعن واهج النيران يلقى النعيمي
الله يعوض اللي فقد مبعد الرمس=ويحسن عزانا في وفاة العديمي
ياالله حسن الخاتمه لالفى النمس=عفوك رجيته ياالكريم الرحيمي
في ساعة تحت الثرا ماقعي دمس=ياالله لطفك من عذاب الجحيمي

أخوكم / محمد سعود العلوي