2373اللغز بين النهر و حسين !!محلول من الكحيله صح لسانها

بسم الله الرحمن الرحيم

يا ويش رجلن كل ما أدبح به الشيب = يرجع شباب و عقب شبه يشيبي
مضى حياته كلها يشب و يشيب = يبا فتاتن ما كسبها النصيبي

هذه القصيدة هدية مني لكم يا أحبتي ..

اللغز بين النهر و حسين = لا و عناه و غرابيله
و أبو هليل معه سيفين = إن غر ما غرت كحيلة
حتى الخليجي ورى البحرين = قامت تطوله مراسيلة
و الطالب اللي رمع حلين = صابة بحله و تحليله
و عامر إليا من ركد له زين = لازم تصيده محابيله

أنتظركم..

صح لسانك

جاري التفكييير ^__^

صح السانك لاهنت
ولغز ثمين وتشكر على الاطراء وهذا تشجيع نعتز فيه لاشك

ونقول

القمر

أختي الشاعرة القديرة الكحيلة
صح لسانك على حل اللغز
و شكراً لتشجيعك لي
و حلك للغز أبو هليل حضن الأم صراحة ذبحتي اللغز بحل خطير صائب
تقبلي تحياتي و مبروك حل اللغز

صح لسانك يابومشعل

وصح لسان الكحيله

	المشاركة الأصلية كتبت بواسطة محمدسماح الغيداني

	أختي الشاعرة القديرة الكحيلة صح لسانك على حل اللغز و شكراً لتشجيعك لي و حلك للغز أبو هليل حضن الأم صراحة ذبحتي اللغز بحل خطير صائب تقبلي تحياتي و مبروك حل اللغز

صح السانك وصح بدنك
لاهنت ولاهان منطوقك

الشاعر الغيداني

صح لسانك مدد على اللغز وعلى ماأتحفتنا به من ابيات جميله

لكن خليجي في خليجه ماراح عنكم ورى البحرين ههههههههههه

صح فكر الكحيله وتفكيرها تقبلو تحياتي

ابوفيصل

صح السانك يابو مشعل على الاهداء الجميل واللغز الجزل وبيض الله وجهك

وصح السان شلفا الالغاز على الحل

صحت السنت الجميع

صح اسانك على اللغز والابيات وصح اسانك الكحيلة على حل الغز اثابكم الله