فأبو حسن والله ماهي دعاية 0000

السلام عليكم ورحمة الله وبركاته

يالله تلهمني طريق الهداية = حظه ردي من لا على الدرب تهديه
العيد عاد وعاد نفس الرواية = عيد السنة هذي كما العام نقضيه
انا معه عزيت نفسي عزاية = واخوي عزاني وانا قمت اعزيه
فابو حسن والله ماهي دعاية = حقيقةٍ ماغاب ذكره وطاريه
عساه فالجنة وقولوا معاية = آمين تغفرله بفضلك وتغنيه
نسيت اعايدكم 0ولاانسى عساية = للميت ادعي مثل ما الحي ّ اهنيه
حنا هل الحروة لنا البيض راية = في كل رجالٍ يجي في حراويه
باوصي ولد ربعي لربعي وصاية = واللي حريص القاه 0 ما احتاج اوصيه
عسى الوسيلة تدرِك اليوم غاية = كلٍ على الطيب كباره تقديه
وحذراك يا حرن 0 زبون الوشاية = لو فالقرابة حولك إصحى تراعيه
عند الخطأ قله خطاك 0 وخطاية = اسمح خطاك إنك عليّه تمشيه
شيخٍ موصيني بعلم الدراية = لو مادرى قًلِي رفيقك تداريه
اللي زمانه مايفك القراية = ابرك من اللي حاضر اليوم معضيه
حزة ليا صفيت ولقيت عناية = لو حملها فشدادها ماتوطيه
لاوضاعكم لو ماوصلتو نهاية = احفادكم ريع العمر كيف تبديه
في دربكم لو للنهاية بداية = مافيكم اللي بينكم درب يرضيه
كل وهواية تختلف عن هواية = درب الوفا ماكل مخلوق هاويه
ماصاب سهمن مايعرف الرماية = ماغير يصعِب فالملأ علم راميه
الطب قيل اخير منه الوقاية = وآخر علاج الكي على فك يكويه
احدن تحت واحدن براس البناية = مبنى طلوع نزول كامل مواريه
ياصورة الايام وسط المراية = عين البشر فيك النظر كيف تعميه
وختامها قدام يخلص سراية = العذر لو الشعر تقصير جاء فيه
وصلوا على المختار 0 مابه حكاية = ولاعاد به حكٍ نقوله ونحكيه

صح لسانك يابومحمد

صح لسانك ابو محمد الله يعافيك

صح السانك الشاعر الكبير بخيتان
ابومحمد

ابو محمد

صح لسانك وعتلا شانك

دايم جزل وصاحب خلق عاليه

الله العلي العظيم

يرعم ويغفر

لمواتنا اجمعين

تقبل تحياتي وتقديري

تسجيل تواجد في منبر الجزاله
صح لساانكـ
بيض الله وجهك

صح لسانك وسلم فكرك وبنانك مدد بلا عدد وبيض الله وجهك

الله يرحم الجميع ويحسن عزاكم
وطريق الكل ماشيه

صح السانك وبيض الله وجهك
على هاا لجزلة لاعدمناك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك ابو محمد وبيض الله وجهك

قصيده اكثر من رائعه من شاعر وافي و جزل بمعنى الكلمه

لله درك ايها الشاعر المبدع

ورحم الله موتانا وموتى المسلمين