دموع السحابه

بسم الله الرحمن الرحيم

؛؛

؛

السلام عليكم ورحمة الله وبركاته


نص من جديدي بعنوان دموع السحابه
واتمنا ان ينال رضاكم


ألهاجس اللي يخم قلبي ويخطيه
خلا دموعي مثل وبل السحابه

عجزت اصوغه فالمعاني وغنيه
والشعر في صدري تعاوا ذيابه

مادري وش اللي في ضميره يخفيه
يوم البشر صارت في عينه تشابه

مايعلم اللي بداخله غير باريه
رب الملوك اللي طغو فالغلابه

الوقت نفس الوقت مير اختلف فيه
اللي من إول بالوفا يقتدابه

شيد في جوفي بالمحبه مبانيه
هجر و خلآ فالمباني سرابه

رحل ولا ادري وين داره وراضيه
ولا دري بعد وين اتجهبه ركابه

تعبت اواسي في خفوقي وهديه
واليوم بييين في كياني غيابه

يحن له قلبي ليا مر طاريه
و اجيه لو من باب وصل القرابه

إمر داره وادري أنه مخليه
لكن عساه الشوق ردة وجابه

من قبل قلبي للوساوس تقسييه
و يثور بركاني ويحرق جنابه

من بعدها ادفن غلاته و أرثيه
واكسر مراويسه وقوس الربابه

الشعر من دونه ماتسوى معانيه
و الكون من دونه فعيني خرابه

؛؛؛؛
؛؛
بقلمي
فايز ال محيسن

،
وسلامتكم

**

قمة في الذوووق
يسلم ذوقك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر فايز ال محيسن
صح لسانك وعتلا شانك

قصيده رايعه

صح لسانك

صح السانك لاهنت
ولاهان منطوقك
ابدعت لاشك

صح الله لسانك
ولاهنت
وسلم فكرك وبنانك
دمت برعاية الله وحفظة