من بوح الجاهليه

15-02-13, 10:20 PM

هات الحجر والمنتج الصافي الزين=مع جمر سمر الغاب بكوي صميمه
بكوي صميم القلب ويّا الشرايين=لين اتّعلى من على الراس غيمه
لاشك شر وفعلها بالفتى شين=مير انّها نوبٍ على الجاش ديمه
فكره سديده عند من لامج البين= والا المريّح يعتبرها جريمه
مما بقلبي والمخاليق ممسين= محدود وادري عاقبتها وخيمه
وش حدني عالمر غير الامرين=هجوسٍ توارد مع ذعاذع نسيمه
همي وانا والليل ميدان حطين=فيه انتلاقى والوعد في عتيمه
مغير دمع العين في محجر العين=ياشين دمعات الرجال الحليمه
ابكي رجالٍ جت وراحت على الدين=هذي سلاميهم بثرها رميمه
اللي بنا الخوه على العسر واللين=باليسر در وبالشدايد صتيمه
في منطقه يثمر ورود ورياحين=طلق المحيا والنوايا سليمه
إبكي عليهم واكثريها وناوين=إبكي عليهم يالنفوس الكليمه
وان جيت انصّب للبريه موازين=الفرق شاسع والمقارن ظليمه
هذا رديٍ فاق كل الرديين=كل الخصايل في جنابه ذميمه
وهذا شواه الحسد والحقد مسكين=راحت حياته يقتلب في جحيمه
وهذا يمنّ المال لو هو ملايين=اليا عطى كنه مسدد قسيمه
وهذا غرامه بس تفريق الاخوين=حث الخطاوي في سبيل النميمه
وهذا على ماقيل لو عاشر سنين=كفار عشره مايهمه نديمه
وهذا يجيد المكر غدار ولعين=عليه من زرق الثعالي وسيمه
اتبدل اخيار البرى بالشياطين=الجرم واحد والمشاعر عديمه
ومدامها هاللون اقرا العناوين=اهيا بدال اهل الوجيه السقيمه