وعوض و خالد مثل عينين في رأس

بسم الله الرحمن الرحيم

قصيدة للشاعر العقيد/ عوض بن طالع العلوي الصاعدي العوفي الحربي في ملتقى حرب الثاني بالمدينة المنورة لعتق رقبة ع ض الحويفي الحربي و الذي أقاموه قبيلة
السحمان من عوف من حرب.


القصيدة

بسم الاله اللي خلق كل الاجناس=اللي خلق خلقه لجل يعبدونه
اللي يزيل الهم و يزيل الاوناس= واحد أحد فردٍ صمد يرتجونه
كل الخلايق يوم قطعات الانفاس= و مابين كاف و نون أمره يكونه
ياعزوتي ياحرب ياعصابة الراس= سميي عوض ينخى و لاتخذلونه
و اليوم بإذن الله مانرجع بالافلاس= و دام اجتمعتم شبلكم تطلقونه
عتق ارقبه ماهي سواليف ياناس = و الخير من وال البشر تاجدونه
من حرب و إلا من قبائل لها ساس= مايندفع يدفع بلا . تجهلونه
و الآدمي مخلوق من دم و إحساس= و اليوم ذا ميقاف لاتتركونه
و الله يدفع عنكم الشر و الباس= و الله يجازيكم ابما تفعلونه
تكفون فكوا من طوى حاله الياس= و له طفلةٍ دونه تراها امغبونه
وقفة شرف ماهيب وقفات الاتعاس= ياحرب ميقاف الشرف تدهلونه
فيما مضى تاريخكم صار نبراس= و الحمل لو هو كايدٍ تقدرونه
و الحاضر الحاضر معزه و نوماس = يوم ان خالد غيّـر الوقت لونه
و عوض و خالد مثل عينين في راس= و من سلّـم العينين تسلم عيونه
و الخير انتم تفعلونه بلا أقياس= و فعل المكارم غير فعل المهونه
ميقاف خير و فزعة بوقت حساس= في موقفن غصاب ثارت اجنونه
نبغى لنا ميقاف يثبت ابكراس= تاريخ لاجيالٍ تجي يدرسونه
الوقت ضاق و قامت تدق الاجراس= و ترى الحويفي زايداتن شطونه
دوسوا على الدنيا ترى الحر دوّاس= و فكوا ولدكم لاتطيحون دونه
سبعة عشر عامٍ وهو خلف حراس= و بالليل و الله ماتطرّق اجفونه
وله طفلة(ن) و اخوان بالبيت جلاس= و حرب ان تناخوا وضعهم يحسمونه
في صفهم ماصف حاقد و بلاس= و الموقف الغصاب هم يحتمونه
تكفون ثم تكفون مافيه مجلاس= و من كان عون اخوه فـ الله عونه
و صلى الله و سلم على صفوة الناس= و الاجر بالمليون من هو زبونه