الشاعر علي هليل الحربي والشاعر متاكد

مرحبا ترحيبةٍ تجلى عن الراس العماسي=في محلٍ فيه للإبـداع والتشجيـع جـره
السما فوق النجوم وبعضها ما طال راسي=والله الي عالمٍ وشلـون تفتـر المجـره
يا هلا والملعبه يبي لها شاعر حماسي=وأنت مشرف مجتهد والمجتهد لله دره
روسكم فوق النجوم وروسنا فوق الرواسي=الخوي دايم نسره والعدو لازم نضره
بعد طول غياب يا لمتأكد ولانـي بناسـي=جابك الله والزمن ماينتهي خيـره وشـره
والله انه ما يشوف بنص عين إلاَ السياسي=مايفوته من سواليف العـرب مثقـال ذره
علمونا حرب قبل نخش بالفصل الدراسي=فاهمين الدرس كله لا تعيد الدرس مره
ما نبيها بيني وبينيك مثل لعب الكراسي=وجه ارسالك على بث القمر واحذر تفره
الثقافه فيك ثره مـا يجيـك الإنتكاسـي=ما تجيك الإنتكاسه والثقافه فيـك ثـره
اشهد ان من جاب دره زال كل الإلتباسي=مايزيل الإلتباس الاَ الولـد لاجـاب دره
السياسه معك سوت شي والشي الأساسي=لا تمادى مع حلاوتها .. عليك تعود مره
اذكر الله والكلام احيان يجلب للمأسي=لا تجره ثم يجر اللي ماندري من يجره
يرحم الله من عطس من عطسته غطيت كاسي=لاوانا بانشدك عن علـمٍ قبـل مانتـه تشـره
العرب فيها انحياز لبعض نـاسٍ دون ناسـي=قلنا يابـن الكـرام العلـم هـذا وش مقـره
من رفع خشمه تغير عنده الخمس الحواسي=ياعلي قل له ترى هاذي طريقه ما تسره
كل واحد نظرته تعطي عن القلب انعكاسي=صعب تعديل الأوادم والتجارب مستمره
قوة التيار قصت بالفيـوز الالتماسـي=والله انه لا يطوَل عمر مره واخو مره
فيه قلبٍ لو يلين الضلع يبقى قلب قاسي=لكن انه ما تشيله غير روح انسان حره
الجبال العاليه سدت على اصحاب التكاسي=ما عليها لو تكون الريح ما هي مستقره
أن طلع لي قلب غير اللي وصفته لا تواسي=وجه البندق عليه وقل لقلبك : بان سره
فيه بالقران ضلعٍ شامخٍ طاح متواسـي=يوم رب الكون زاله ما تقل شافوه مـره
عن خفاك أبراي لله فيك باسٍ حول باسي=يمكن انك والمهلهل يافلان خوان سـره
قدرة الله خلت ظلالي ماهو دايم مقاسي=ما تحديت الكريم اللي خلق بحره وبره
اتحداك أنت ياللي تقتبس منا اقتباسي=لا تكرر .. ثم نعيد الكره بكره وكره
ساسك الطيَب غلبك ولا قصر عن طيب ساسي=ما يغط حقوق غيره غير مـن نفسـه تغـره
ياس رجوى غيب قلبك ما يصل رجواي ياسي=واسعد اللحظات عندي يوم تدخلـك المسـره
من تغره نفسه يسمى من الناس الخساسي=ودك أنك تاخذ الخنجر على البطن وتقره
وأنت ابن عم وعزيز ومنصبك منصب رياسي=يا عسى اللي مثلكم يا صاحبي ما اذوق حره

ألف شكر على المحاوره
بارك الله فيك
يعطيك العافيه ...
تحياتي .

ألف شكر على المحاوره

الله يـعـطـيـك الـعـافيـــــــــــة

بيض الله وجهك

الله يـعـطـيـك الـعـافيـــــــــــة
بيض الله وجهك

راعي البل

مشكور على النقل

وصح الله السنت الشاعر علي بن هليل الحربي ومتأكد

وبيض الله وجيههم

تقبلوا تحياتي