والقلب مايحتمل شكواه

السلام عليكم ورحمة الله وبركاته




هذا الكلام بيني ( ابوعبدالله )



وبين ابن أخوي الشاعر عبدالرحمن بن دحيم البشري ( أبوخالد )





قال/ أبو عبدالله


سلام فيه الوفا أضعاف @@@ لمقدم الطيب في معناه
اللي على منهج الاسلاف @@@ ماشي ولا يختلف مبناه


الرد / أبو خالد


يا مرحبا براعي الميقاف @@@ اللي في وقت الطلب نلقاه
والليل خل البنا ينشاف @@@ نبغى جميع العرب تقراه


أبو عبدالله


عسا البقا عد حي طاف @@@ راع الوفا بالوفا نبراه
اللي فرسم اللحن والقاف@@@ دكتور ويصدره بمضاه


أبو خالد


اللي طلع قمت المشراف@@@ بحط يمناي في يمناه
عجل وهات المثل لاتخاف@@@ ان كان فيه مشتكى نبغاه


أبو عبدالله


كيف اشتكي واطلب الانصاف@@@ والقلب مايحتمل شكواه
ذقت الألم داخلي أصناف @@@ كل ما اتصبر تزيد الآه


أبو خالد


اشكيه واستفزع العراف @@@ يقرون فوقه على بلواه
لا ياقع القلب فالإتلاف @@@ و اتسير ياكبرها مأساه


أبو عبدالله


جونا مشايخ سبل واعراف @@@ وجهودهم عندنا محصاه
والوضع لازال فيه خلاف @@@ قاطع بلا بينه تحماه


أبو خالد


من ترك السبل عمد وناف @@@ كل الرياجيل ما تبغاه
خلك معه بالموده حاف @@@ يالين يرجع على مرباه

صحت الالسن وطابت القلوب

محاوره رائعه

تحيتي والتقدير

تسجيل تواجد في منبر الجزاله
صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت الالسن

الله يعطيكم الف عافيه

صحت السنتكم وبيض الله وجيهكم على هذا الابداع

تسلــمون وشاكر مروركم اللي تشرفت فيه

والجزل مروركم لا عــــدمناكم

صحــت السنتكــم
دمتم برعاية الله وحفظة