مع القدير/ فواز الزّويهري..لحن ( لاتتبع المقفي المعموس )

/
/
/
/
/
/
/
/
/
/
/
/
/
/
/
/

خالد بـن عبيـد الاحمـدي =
قــدّام يـبـدا تحـاورنـا=سـلام بالطّيبـه مسيـوس
ومن بعد هاضت خواطرنـا=بالودّ محتـاج منـك ادروس
فواز بن محسن الزّويهـري =
ترحيـب يـامـن يقـدرنـا=وله قدر محفوظ فوق الروس
ولك غالي الحـرف سطرنـا=موزون حسب الطلب مقيوس
خالد بـن عبيـد الاحمـدي =
تبقـى بطيبـك تباشـرنـا=ياشهم فيك الوفـا مغـروس
والحرف عن حـال حيرنـا=يشرح لك الواقع الملمـوس
فواز بن محسن الزّويهـري=
من أجلـك اليـوم غامرنـا=ونغوص للولـو المدسـوس
ولشاطـي الفكـر صدرنـا=كل الذي فالشجن محسـوس
خالد بـن عبيـد الاحمـدي =
ماكـان يقطـع مسايـرنـا=وللجلي يكايد شرور انفوس
كيـف العمـل فيـه خبّرنـا=بعد انتكس كنّه الممسـوس
فواز بن محسن الزّويهـري =
فـي طبـّه الله يقـدرنـا=لوكان يظطرّنا للمـوس
وبالـود للقلـب خـدرنـا=وتستخلص اللي منه منكوس
خالد بـن عبيـد الاحمـدي =
ياليت ماضيّه حاضرنا=ميهمّنا لو يجي بفلوس
وعلى هوانا يعاشرنا=ولا نشتكي حاله المعكوس
فواز بن محسن الزّويهـري =
لاتقـول ماهـو معاصرنـا=ويصبح سرابه معك محبوس
امشـي بموجب سوايرنـا=واسقيه من بنّك المحمـوس
خالد بـن عبيـد الاحمـدي =
بالطّيب حنّا ماقصّرنا=وردّ الحفاوه لهم متروس
ويجور فينا ولا جرنا=ولا يتفق سمح مع منحوس
فواز بن محسن الزّويهري=
نصيحتـي يـا مشـاورنـا=لا تتبع المقفـي المعمـوس
وقلـّه لـك القلـب شفّرنا=وخلّيه بين العرب مخنـوس