( ماتسير السّيور الا مع الـي دهنهـا )

/
/
/
/
/
/
/
/
/
/
/
/
/
/
/
/

مـشــعــل الـمـعــبــدي=
مرحبا بالعميل اللـي يثمـّن كلامـه=مايجيب السّوالف غير فاسـر ثمنهـا
الرّعد نسمعه والبرق سـد الغمامـه=مير ماطاح خيره في شمال ويمنهـا
خالـد بــن عبـيـد ألأحـمـدي =
البقى يامرحب فـي محـل الكرامـه=والسّوالف عميلك بالحقايـق ضمنّهـا
وانـت خيّلتهـا فقديـد ولا تهـامـه=مزنةٍ ماذكر لك مثلهـا فـي زمنّهـا
مـشــعــل الـمـعــبــدي=
كل فارس على علمه يجيب العلامـه=كان وانّه ياخالد في يمينـه رسنهـا
المخايل شمال وشرق ودع السلامـه=لوّ يبست حلوق أهل الوطن في وطنها
خالـد بــن عبـيـد ألأحـمـدي =
ابشر بفـارس ٍ متغـذي ٍ بالشّهامـه=عاسف المهره اللي ماسلا يوم عنهـا
ماتهمّـه مخايـل برقهـا بالجهامـه=وشامخه مملكتنا سلـم للـي سكنهـا
مـشــعــل الـمـعــبــدي=
لاتحسب الليالي مثل طعـم البشامـه=ماتسير السّيور الا مع اللـي دهنهـا
جرّة القوم ياخالد على الأرض شامه=خربت الشّغله اللي سمنها مـع لبنهـا
خالـد بــن عبـيـد ألأحـمـدي =
لاتصدّق هروج اهل الفتّن والنّمامـه=سارت اسيورها في رغبة اللي وزنها
حفرهم ينّدفن والرّاس فوقـه عمامـه=والعجينه تملّي بطن منهـو عجنهـا
مـشــعــل الـمـعــبــدي=
أنت خالد عبيد ولا تعرف الرّخامـه=مير مدري من اللي فيك قام وقرنهـا
كيف أفهّمك يارابح وراغب علامـه=والبلا فالعدن واللي سكن فـي عدنهـا
خالـد بــن عبـيـد ألأحـمـدي=
قلت والنّعم في مشعل مكايد خصامـه=والمقارن قرنّ ممّـا بنفسـه غبنهـا
طارق ٍ طرق حنّا نجتهد في مرامـه=ويانبيل الشّعيل افصح لنا عن لحنهـا

صحت السنتكم
والله يـعـطـيـكم الـعـافيـــــــــــة
بيض الله وجيهكم