المملكة مثل الاصيلة والملك خيالها

سمعت لي بعض العلوم ولاعرفنا كيف جات = الناس شللي صابها حتى اختلف منوالها
مسلم في موت اخوه سوا له فرح ومظاهرات =الموت حق وكل نفس بايجيها فالها
االفعل ذا منكر وحنا مانحب المنكرات = المخطية ماهي لنا والصايبة فزنا لها
دنيا تراها فانية والباقيات الصالحات= واعمالنا ربي بجازيها بعشر امثالها
ان كان صح العلم وين اهل العقول النيرات = الناس مسئولة عن اللي تفعله جهالها
قال المثل عند الرجال اهل الوفا والمكرمات = وقت اللوازم شرهة الجاهل على عقالها
الناس لاجامن طوارفها علوم عايبات = ماتقبل اللي يفعل المنكرفي سد اسبالها
اهل النقا هذا سلفهم والمصايب صايبات =واللا مهابيل الاوادم دايما في اهبالها
حنا فقدنا حر حاسينه لصد المجهمات = خمسين عام وهو يكافح خفها واثقالها
ونقول نايف عندنا مامات لو الجسم مات = الفعل باقي والعرب تذكر بطيب افعالها
والنار حية والنفوس تموت لا حان الممات = والحمد لله قافلتنا حاضر جمالها
والشبل من ذاك الاسد والوصف من ذيك الصفات= كل الامور مدبرة تمشي على مجدالها
الحكم من دونه هله مثل الجبال الراسيات = والمملكة مثل الاصيلة والملك خيالها
هذا هو فعل الصقور اللي تصك النايبات = مهما يجيها من عواصف ماتهز جبالها
كم واجهوها من شدايد واثبتوا للمعضلات = ماهمهم حجم النوايب دقها واجلالها
والله يلولا اخوان نورة ناقلين المرهفات = مايستتب الامن في دار وسيع جالها
خذلك من الماضي عبر واحسب حساب المقبلات = المقبلة بالخير قابلها وعيش اقبالها
من قبلهم شعب الجزيزة كلهم راحوا شتات = كم نفس تذبح دون عانيها ودون اموالها
قبايل متناحرة واحزاب في كل الجهات = واليوم حنا اخوان في خيمة يظل ظلالها
وان كان تبغى تعرف انت بخير خذ علم الثقات =مد النظر يم اليمين وثم لد اشمالها
ثنتين تكفي غيرها لو قل مافيه التفات = الامن والصحة مكاسب والعرب تسعى لها
صحة بدن وامن الوطن في دارنا متوفرات = والفضل لله والحكومة ماحصينا افضالها
يامشتكي لاتشتكي لا تلحق الدولة شمات = تراك في نعمة وغيرك لو تعب ماطالها
لنا على الدولة حقوق وللحكومة واجبات = من قام بالواجب وطالب في حقوقه تالها
يالله يامحصي الكواكب والطيور الطايرات = انك تعز الدولة اللي نفتخرباعمالها
قلته وقول الصدق واضح والدلايل بينات =اقول والاقوال محسوبة على من قالها
يالله ياللي مطلع بالبينة والخافيات = عالم خفايا الناس طيبها على بطالها
يارب تهدينا على درب الهداية والثبات = ناخذ سمينات العلوم ولا نحب حثالها

اللهم ااامين الله يحفظ الوطن من كل مكروه
قصيدة جزلة ولا غرابة
شاعرنا القدير
الشيخ/حسن العبيدي
صح السانك لاهنت ولاهان منطوقك

	المشاركة الأصلية كتبت بواسطة الكحيلة

	اللهم ااامين الله يحفظ الوطن من كل مكروه قصيدة جزلة ولا غرابة شاعرنا القدير الشيخ/حسن العبيدي صح السانك لاهنت ولاهان منطوقك

حياك الله شاعرتنا القديرة
صح بدنك وطال عمرك ولك تقديريوشكري

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة رابح الجحدلي

	صح الله لسانك يا القرم والله يـعـطـيـك الـعـافيـــــــــــة بيض الله وجهك

حياك الله
صح بدنك وطال عمرك
تقبل شكري وتقديري

صح الله السانك


قصيدة عانقة السماء بجزالتها وأبداعها

تحياتي لك

	المشاركة الأصلية كتبت بواسطة عبدالله السفري

	صح الله السانك قصيدة عانقة السماء بجزالتها وأبداعها تحياتي لك

حياك الله
صح بدنك وطال عمرك ولا غليك زود
تقبل شكري وتقديري

لاهنت ولاهان هذا الحضور

صح لسانك يالذيب

تقبل تحيتي

	المشاركة الأصلية كتبت بواسطة ماجد بن تركي الحربي

	لاهنت ولاهان هذا الحضور صح لسانك يالذيب تقبل تحيتي

حياك الله
صح بدنك وطال عمرك
تقبل شكري وتقديري

صح الله لسانك
ولاهنت
وسلم فكرك وبنانك
دمت برعاية الله وحفظة