رفيق الدرب ......نايف بن مياس

رغم اني مبتعد عن الكتابه كثيرا ماسلني الشاعر نواف بن عواد الفريدي عن جديد واخيرا اجبته بهذه القصيده

يارفيق الدرب تنشد عن جديدي=غامدٍ سيفي ونوخت الركايب
وش كسبت وش جنيت من القصيدي=غير حسادٍ تمتع بالنشايب
ينحرون الحق من حد الوريدي=مايفكونه يالين ايقول تايب
والجمل يشتال حمله دون قيدي=وان بقى بالقيد من راعيه عايب
قاصرٍ عينه عن الزمل البعيدي=ماتعدي ضل ملعون الصلايب
جاهل بالعرف مدري فعل كيدي=مثل بن برمان طيره ويش جايب
وان نشدناهم من اللي مستفيدي=ابتلشنا بالشكاوي والطلايب
كل يوم القى رساله في بريدي=مرةٍ مجهول والا باسم نايب
وانتناقش بالمواضيع ونعيدي=نلتفت للشيخ واثر الشيخ غايب
واخلتلط فكري مع الذهن الشريدي=لين ساقت قدرة الله راي صايب
ابتعادي عن جموع الناس عيدي=فوق ضلعٍ ماتجيه إلا الهبايب
لاتمايل للهوى غصن الجريدي=عاد ذاكرتي لمنقوض الذوايب
واتسلى بالقوافي والنشيدي=وارفع انضاري عن اشباه الحبايب
وان رفعته طحت بالفخ المكيدي=شفت قرص الشمس من بين السحايب
واحسب انه خدها بين الجليدي=وانتقض جرحٍ بقلبي كان طايب
والهوى مقبول لو حكمه شديدي=كل ضلم ايهون عن ضلم القرايب
يارفيق الدرب والمرسول بايدي=ويش رايك بالعلاج وبالسبايب
وانت بن عواد نواف الفريدي=فيك من باس الشباب وفكر شايب

نايف بن مياس الفريدي

تسجيل تواجد في منبر الجزاله
صح لساانكـ
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح السانك وبيض الله وجهك
تقبل تحيتي

لاهنت وصح السانك

تقبل التقدير والاحترام

وفقك الله

صح لسانك وسلم بنانك وبيض الله وجهك

قصيده في غاية الروعة والجمال الله يعطيك العافيه

دمتم بخير

صح الله ابدانكم جميعا

لاهنت ولاهان هذا الحضور

صح لسانك يالذيب

تقبل تحيتي

صح الله ابدانكم جميعا

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك