انا الدلع عندي سمي الاصيله= كحــيــلة حــرب.

قصيدة من موقف خاص فيني انا مدري فيه لقب اكبر
من(كحيلة حــرب)حتى اسعى وراه؟!!!

لودلعوني با الاسامي والالقاب=ماهمني برق القب دون اخيله
ولابحث وراه ولالنا فيه مطلاب=انا الدلع عندي سمي الاصيله
اخترت نكي بينهم بسم جذاب=يكفي اليا قالو تقول (الكحيلة)
يعني كحيلة حرب ترميز وعجاب=فيني شموخ الخيل وإيضا صهيله
صحيح بنت وتعترض لي الانشاب=لاكن ما نظر بالعلوم الهزيله
اصعد صعود العالية لي مرقاب=واكتب حروفي مثل نبت الخميله
لي شاهدٍ بين القرايب والاجناب=(وكلٍ على ماقيل عقله دليله)
متسليه بالحرف والحرف لي طاب=انسا معه كل الهموم الثقيله
في موقعٍ عند الجدي دوم ماغاب=بالموقع اللي يحمل اسم القبيله
قبيلتي ليه ذرا ستر وحجاب=حرب العزيزه حظ من تعتزيله
عزالله إن اللي تعرض لها خاب=ياعزتي له صدق يا عزتي له