ضوّن لها بالمجالس شبّ - شبّابها وسطها طاحي ..

متى الدراهم عليّ تصب = صب المطر فوق صحصاحي
النار وسط الضمير تشب = والقلب مامر الافراحي
عامين وانا سواة الضب=أطرد سرابي وضحضاحي
يالله ياخالقي يارب=تطرد عن البال الاشباحي
في كل ساعه عليّ تطب =وتجي وانا راقد وصاحي
متى الهبايب عليّ تهب =وتسوقها يامل الماحي
ماودي امدح ولا ابغى اسب=أبستوي عقب مطراحي
بعض العرب قشر مابه لب=يبغى التفاخر والامداحي
وان جاته اللازمه ينكب = ماله ضوايه ومسراحي
لاهو حطب للشتا يحطب=ولالخرمس الليل مصباحي
يبغى المدايح بلا يتعب=يحسب بلغها بالامزاحي
بالهذرمه له شهادة طب=ونفخه على لاح وملاحي
لوحيت هرجه تقول يهب=بيديه الاجواد ملواحي
والا الحقيقه صديع وهب=دكتور بالخرط جرّاحي
في كل مجلس لفا يهذب=وبلسانه النجس لمّاحي
يعيب هذا وذا يشذب=ولستر الاجواد نزاحي
كنه ولا بالحياه اذنب=شيخن مع الناس مصلاحي
واليا كشفت المغطى ذب=ذب السلوقي للابراحي
ويدوّر الدرب والمهرب = من بعد ماكان نطّاحي
ضوّن لها بالمجالس شب=شبّابها وسطها طاحي
يالايمي ليه انا ما اعجب=وقتن به اللاش مرتاحي

الاخ العزيز

والشاعر الكبير والناقد

بدر الهبيري

صح لسااانك مليووون ولاتكفي

على القصيده الجزله الوافيه

ودائما متميز يابدر في شعرك وأخلاقك

ومتابع لكل ماتكتب



متى الدراهم علـيّ تصـب
صب المطر فوق صحصاحي

أن شاء الله قريب يابدر وعسى الله يرزقك من حيث لاتحتسب
لأن الرجال الطيبين أمثالك وشرواك أهل الكرم والطيب
هم من يستحقون المال

والخالق كريم

قصيده جزله كلها


وصح لسااانك مره أخرى يابدر

وبيض الله وجهك













تقديري واحترامي لشخصك الكريم

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر الجزل
بدر الهبيري
صح لسانك وعتلا شانك
شاعر غني عن الشهاده
الله يبيض وجهك

صح السانك ولاهنت ولاهان منطوقك

الله يقسم لك مافيه خير الدنيا والاخرة

صح الله لسانك
ولاهنت
وسلم فكرك وبنانك
دمت برعاية الله وحفظة

لاهنت وصح السانك

تقبل التقدير والاحترام

وفقك الله

صح السانك ولاهنت ولاهان منطوقك

,
,
,
صح لسانك وسلم بنانك
قصيدة وافيه من وافي
بيض الله وجهك يالذيب
اتمنى لك التوفيق
اخيك ابو فياض النويمي

صح لسانك
..
..
أسجل اعجابي بالقصيدة
..
ويعطيك العافيه ..