(عسى ربّي يعز بلادنا تهنا بطيب العيش=تحت حكم السّعود اللي كفوفه بالوفا تندي).محاوره

/
/
/
/
/
/
/
/
/
/
/
/
/
/

خالد بن عبيد الاحمدي=
سلام الله سلام ٍ ياصل لعيسى رقيب الجيش=رقيب ٍ يغلي ابلاده وياقف دونها جندي
عسى ربّي يعز بلادنا تهنا بطيب العيش=تحت حكم السّعود اللي كفوفه بالوفا تندي
عيسى بن رجعان العوفي=
هلا يامرحبا ترحيبة بك ياولد قد ايش=تجيك معطره بالورد والريحان يافندي
ولانا للسّعود اخوان نوره غيرهم مافيش=وعلى الطاروق جاك الرد يابن عبيد من عندي
خالد بن عبيد الاحمدي=
اقول ابك البقا ياشاعرٍ مايقرب التّنبيش=ولاكنّا نبا نحدّك على التّنبيش بالعنّدي
وابا منك الجواب العدل لامني نشدتك ليش=نشوف السوق ماتسعود عن البنقال والهندي
عيسى بن رجعان العوفي=
انا عارفك ياخالد عبيط وترغب التحريش=نصحتك بس اشوفك دائم للنصح متحدي
وانا آجاوب على السائل صريح وماعرف التطنيش= وترى لو تاصل القاضي وضع للمشكله حدي
خالد بن عبيد الاحمدي=
اقول الحقّ وآحارب هل الحيلات والتغشيش=وآقول السوق قانونه ماطبّق به البندي
ولو ترسل على القاضي يجي ردّه لكم مافيش=مدام الكاتب اللي له قد اتراحم مع السندي
عيسى بن رجعان العوفي=
تــرى يمـنـى بلـيـا كــف ماتـوكـلـك لـقـمـة عـيــش=عـلـى ماقـيـل يـسـرى مــع يمـيـن تـشـدهـا شـــدي
وحكم الشيخ صـارم مالتفـت شيهـان لأبـرق ريـش=لـكـن اشــره عـلـى مــن يـاخـذ الاخـبـار ويـــودي
خالد بن عبيد الاحمدي=
صعيب اتناقش العاقل بعلم ومنطق الدّرويش=تجيب اجهازك الصيني تقلّه هاك فرلندي
اثرك مخالف الواقع مغرّر لجنة التّفتيش=ولاكن لاتناقشني وروّح دوّر المندي
عيسى بن رجعان العوفي=
اســـدد بـالـهـدف ماهـمـنـي لـــو الـسـهـوم تـطـيـش=وأنــا مـانـي بـلابـس مـشـلـح مـاهــي عـلــى قـــدي
كــلام الـحــق مـايـزعـل ودائـــم يـكــره التهـمـيـش=وبالعـنـدي تنـاقـش وانــت شكـلـك صـبــح مـتـغـدي