اجمل هدية

بسم الله الرحمن الرحيم
الاهدى مع التحية والتقدير لمن اهدى لمن الاهدى:مع الاعتذار عن التقصير والتاخير

اهلا هلا عد الارض ومن سكن فـــــــيها=من الحـــــــــجر والمدر والنبت والناسي
يأجمل هدية من اسمى شخص مهديها=ترجـــــــح بسعر الـذهب وكنوز الالماسي
ابداع نبنوبةٍ يســــــــلــــــمن اياديــهـــــا=بنت الشرف والفــــخــر ساسٍ علـى ساسي
ريمــــــيــــةٍ جـــــــل خـــلاقٍ مسويــــهـــا=اخـتـصـها بالحـلـــى من بـيــــن الاجناسي
الــــخــد بدر الـتمـام إلى نـظـر فـيـهـا=يغـــيــــــر ويلوذ خلف السحب حساسي
نفايس اللؤل عُـــــقـــــدٍ بين اشافيها=ورمــــوش نــجـِـــــلا وساع وحور نعّاسي
لا سلت سهومــها ربـــــــــي يجـــازيها=تلذع خفـــــوق المولّع لذعة الماسي
العــــــــود ريحــــانةٍ والعذب ساقـيها=تــــغــــري نسيم الهوى لا هب نسناسي
كفوف وردوف:هــيـم الخـصر زاويها=والـــــــــــصدر بارز ودوب النهد نطاسي
والعنق يزهى الـــعـقـــود:إلاّ: يحلّيها=يضـــــــفي علــــيــهــا جمالاً ما له قياسي
إلى مشت مهــــــــرةٍ بأطراف ناديها=تــخـتال في مشيها ما بين الافــــــــــراسي
تزهى بشــــقــــرٍ سوات الليل تكسيها=تــضـــفــــي على قــدهـا ديـباج وإلـباسي
مصيونة العرض رب البــيت حاميها=ما تقبل اهــل الردى ودروب الادناسي
الدين والعــــقـــــل والـعـفـة مـباديها=والحشمة إلباسها والعــــلـــــــــــم نبراسي
رعـــــبوبة مـن كسبـهـا مـن مجانـيـها=كسب مـــــــــلاك الجمال متوّج الكاسي
قــدر الهـــدية وقــدر عـــيــون راعــيــها=نهدي لها صادق اشواقــــي والاحساسي

:مبارك نايش علي الغامدي3/4/1433هـ

[table1="width:95%;"]

	المشاركة الأصلية كتبت بواسطة شوق نجد

[/table1]

	[table1="width:95%;"]		صح لسا نك قصيده رائعه من شا عر مبدع بما يعنيه الابدا ع بيض الله وجهك على القصيده الجزله

صح بدنك اختي الفاضلة ولا هنتي اشكرك على تشريف الابيات المتواضعة بتواجدك بمتصفحها
تحياتي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح السانك ولد غامد وبيض الله وجهك

قصيدة وافيه
والواجب انك مادام البيض تهديها
تحطها في ظرف قرطاسي
هههههههههههههههه
وش رايك اعرف اقول نظم لاتزرا عليه اخوك ماعنده ساالفة
تقبل مزح اخوك

الله يسلمك

كلمات جزلة ووافية من شاااااعر كبير ومتمكن

صح لسااااااااانك

	المشاركة الأصلية كتبت بواسطة رابح الجحدلي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

استاذ رابح صح بدنك ولا هنت :تحياتي

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك ولا هنت :تشكر على المرور المشرف:تحياتي

	المشاركة الأصلية كتبت بواسطة العطيب

	صح السانك ولد غامد وبيض الله وجهك قصيدة وافيه والواجب انك مادام البيض تهديها تحطها في ظرف قرطاسي هههههههههههههههه وش رايك اعرف اقول نظم لاتزرا عليه اخوك ماعنده ساالفة تقبل مزح اخوك

صح لسانك ولد حرب ولا هنت الرسالة وصلت وتعرف كيف ما تعرف:اشكرك على المرور العطر:تحياتي