اللي عقدلي رأس حبل(ن) يحله

اتصل بي احد الاصدقاء يوم الثلاثاء وارسل لي ثلاث ابيات وطلب مني الرد عليها يوم الاربعاء

ورجاني ان لا أتخر بالرد عن الاربعاء

ولكن تفاعلنا من بيوته فكان الرد عاجلا وليس اجلا

اتمنى ان تحوز الرضى والاستحسان


الابيات المرسلة اليه ومنه...

ارجع عسى الله يسلم الدرب كله = ويسلم لي اللي ناوين للرجوعي
يا قلب صوت للمسافر وقله = والله عزيز ولك غلا بالضلوعي
ارجع لعين(ن) صرت شوفه وظله = وأدري أنا ما فيك عرق(ن) قطوعي

وهذا ردي ومجاراتي للابيات السابقة

يا مل قلب(ن) كل هم(ن) يمله = لوعات بقعا للمعنى تلوعي
يا اللي تقول القلب منك يتله = غرو(ن) حسين وافي(ن) بالطبوعي
ان غاب عن عينك تجيه وتدله = لا غاب عنكم ما يطول اسبوعي
لو غبت عنه عايش(ن) وسط فله = والا تمشى بين خضر الزروعي
وينك وين اللي على رأس تله = يقنب كما ذيب(ن) وحاديه جوعي
شىء(ن) من الذكرى على القلب تله = يبغى المطير ويردعنه ضلوعي
ساعة ذكر ايام راح(ن) مضى(ن) له = من عقب هن طفيت اخر شموعي
قم سوى لي من غاية الكيف دله = في مجلس(ن) ما فيه خطوا الدنوعي
رجال(ن) على طيب المكارم توله = ترثت اجدود(ن) ينطحون الجموعي
هم ذخرنا لا صار بالوقت خله = لا كثر(ن) همومي على كل نوعي
واللي عقدلي رأس حبل(ن) يحله = بليلة ثلوث وجتك قبل الربوعي