المروبع

سلام رديتن نارها حيه والحي يحييك ياحي ميقافه = والنار لاشبها ناس شبابه يجذب سناها نظر كل حرابي
العقرب اللي معا جرة الحيه كلن كشفها على ضو كشافه = وصك الخطر طاقته في قفا بابه والفضل لله من ثم الاشنابي

حياك الله ياحزام
والله ان هذا الطاروق
له طعم خاص

صح بدنك يافتى تبوك ومرورك شرف لي

يا مرحبا بالرجال الصفاويه ، عموم وأخصّ منهو بدع قافه=والذيب يا ذيب في عال مرقابه ، احسبله حساب يحسبلك حسابي
للمحسن أحسنت ولبادي السيه ، أسأت والعلم بيدين عرّافه=كم حي مفضوح في داخل ثيابه ، وكم حي مستور لو هو بلا ثيابي

صحت الالسن
متابعين لشعرائنا الكبار
تحياتي للجميع

هذا الحجيري عيونه سياسيه لاشك وارث صفة طيٌب اسلافه = لكن انا خايف اموت باسبابه واخاف عليه ليموت باسبابي
ماطالت اكيد روس الحراميه ولانامت عيون من يحرس اهدافه = يوم الطمع حد فالمجتمع نابه نقول ياساتر استر من الغابي

صح بدنك ياسرور ومتابعتك شرف لنا

	المشاركة الأصلية كتبت بواسطة حزام ناسف

	هذا الحجيري عيونه سياسيه لاشك وارث صفة طيٌب اسلافه = لكن انا خايف اموت باسبابه واخاف عليه ليموت باسبابي ماطالت اكيد روس الحراميه ولانامت عيون من يحرس اهدافه = يوم الطمع حد فالمجتمع نابه نقول ياساتر استر من الغابي

عليك ما زود يا صافي النيه والسيف موروث من يدّ سيافه=ما يخاف شرواك يكفيه مخلابه وانا مع القوم مستدّ مخلابي
ما طالت إلا هلَ الحرب والهيّه أعلامهم فالميادين رفافه=كم طامع أهل الأصايل تغدّابه قدّام لا يحدّ الأضراس والنابي

أدرا مواطيك وأدرا مواطيه من بعد عديت في راس مشرافه = واليعربي حط قواعد اعرابه واليوم تمشي على كل اعرابي
كل البلاوي تحت راس جنيه والناس من سرها دوم خوافه = والوقت هذا بدت تكثر انشابه واظن فاتلاتها معركه صابي

وكم حي مستور لو هو بلا ثيابي هههههههههه لا وابي ما الله ساتره بدون ثياب

الله يسعدكم

أصلحوا يصلح لكم الله

وصح الله السنتكم وبيض الله وجيهكم

ياسرور صفك عندك وصفي عندي ، عينك لاتغفل وتابع الصفين هههههههه