محاوره سهله للطارف !! مجرد محاوله

محمد عبد الله البدراني=
يــامــن يـحـاورنــي قــبــل حــــزة الـلــيــل=بـاخــر نــهــار وقــبــل يــســدل بــســوده
من شان معه اخذ واشوف المحاصيل=امـــــا يــســـووق الــقـــاف والا نـــقـــوده
فواز الزويهري=
جاك القمر وأنتـه يسمونـك سهيـل=يــانــجــم يـــابـــدي عـلــيــنــا وجـــــــوده
حنا نزلنا السوق سوق الحلاحيل=وكـلــن يـفـتـش فـــي جـيـوبــه نــقــوده
محمد عبد الله البدراني=
دامك تقول سهيل لاتامن السيل=فـي طلعـتـه كـلـن يتـاحـي ويــوده
والسوق به طالع وهابط وتحليل=واحــيــان يــافــواز يـعـلــن ركــــوده
فواز الزويهري=
أحرص من أبرص والمعاني مداخيل=وأحــســـب لـمـخـراجــك ورســـــم حـــــدوده
إن كـــان ودك ياعـمـيـلـي مــــن الـهـيــل=حــنـــا جـلـبــنــا الــهــيــل وأرفــــــع فــــــزوده
محمد عبد الله البدراني=
الله يكافيـنـا شــرور المحابـبـيـل=ومابالجبل ياغير روس القروده
وفنجال مايشـدا لبـاق الفناجيـل=مـن يشربـه يعلـن عليـنـا بـنـوده
فواز الزويهري=
تـرا القـرود بخيـر فــي تـالـي الجـيـل=بعدت عن اللي مبتلش وسط دوده
عجيـب يـا دا الـوقـت كـلـك تهـاويـل=خـلـيـت ابـــن شـقــران يـلـطـم خـــدوده
محمد عبد الله البدراني=
من تونس الخضراء الى ديرة النيل=وقـامــت تـذكـرنـا الـعــراق وســكــوده
ويـاويـلـكــم يامـطـفـفـيـن الـمـكـايـيــل=يـومــن كـلــن قـــام يـحـشـد جــنــوده
فواز الزويهري=
كـلـه مــن الخـفـاش وأهــل المـنـاديـل=طــابــور خــامــس مـايـبـيـن حــشــوده
لكن نبغى وقفت (ن) ترهق الخيل=حـتـى عمـيـم الــراس يـشـكـي لـهــوده
محمد عبد الله البدراني=
حـنــا حرفـنـاهـا وحـنــا المشـاكـيـل=لـكـن بـلانـا كــان طـــول سـجــوده
يـاصـاحـب الـمــاح هـــذي تعـالـيـل=معكم وطاب الكيف واخفيت كوده
فواز الزويهري=
السيف الأملح فوق روس الجهاهيل=وفـــــوق الـــــدي غـيـرطـريـقـت جــــــدوده
طـابــت حـروفــك يـافـصـيـح التـمـاثـيـل=والـلـيــل هــــدا كــــل خــيــر(ن) يــســوده