وين اللي خسروا مثلي اليوم؟؟

مزايـا+ معايا

مقوله يالشايب غيرها

	المشاركة الأصلية كتبت بواسطة الصييفي

	حي الله بني سالم ، شرفنا حضورك: أخوي ابوروان، تعددت الصفحات، لذلك لن أضمن عدم تكرار القافية! إستلم لا هنت: كل منا اعد للرحلة زهابه= و الزنانة تعتبر عندي مزايا يالنويمي قلبي اصمع للمجابه=و ربع شمر دايم احسبهم معايا

أستلم يالغالي

العلوم الطيبه صارت غرابه=كيف تبني يالصييفي لك بنايا
كيف تمشي دون ماتكسب ثوابه=والغرابه يالصييفي فالضبايا

صح السانكم


وبيض الله وجيهكم

	المشاركة الأصلية كتبت بواسطة ابوروان النويمي

	مزايـا+ معايا مقوله يالشايب غيرها

هلا ببوروان:

أنا قلت لك يمكن مع كثر الصفحات تتكرر القوافي.

المزايا غيرتها في النص السابق،

أما "معايا" فالكلمتا مختلفتان:

المعايا الأولى: مأخوذة من العَيّ: كثير الجدل

قال الشاعر:

العيّ عَيّ(ن) لين يبلش و هو عَيّ= و الى بلش بلحيل كبّ المعايا

و الثانية: تعني معي، أو بصفي

هلا بالغالي

ماقصرت على التغير والملعبه

ابدعت في الملعبه الله يديم الابداع

	المشاركة الأصلية كتبت بواسطة ابوروان النويمي

	أستلم يالغالي العلوم الطيبه صارت غرابه=كيف تبني يالصييفي لك بنايا كيف تمشي دون ماتكسب ثوابه=والغرابه يالصييفي فالضبايا

حياك يبوروان،
و نعود لمحور النقاش:

سوق الاسهم ما يشجع باكتتابه= جاب للي يدخله حمى السحايا
مر ربح(ن) ما يزن ريشة ذبابة= و مر خطر(ن) يخرج اللي به عرايا

استلم يالغالي

الصييفي وا عذابي وا عذابه=الله انه لايعنينا العنايا
من ربح بالسوق يتعدى السحابه=ومن هبط بالسوق مايلحق ذرايا

	المشاركة الأصلية كتبت بواسطة ابوروان النويمي

	استلم يالغالي الصييفي وا عذابي وا عذابه=الله انه لايعنينا العنايا من ربح بالسوق يتعدى السحابه=ومن هبط بالسوق مايلحق ذرايا

الله يكون بالعون يبوروان:

يالنويمي من خذ القلب و سرى به= ايتهنى فيه في سبت العلايا
يا رفيقي سوقنا ينعق غرابه= جا غراب البين و انكسرت مرايا

أستلم يالغالي

يالصييفي كن قلبي وسط غابه=ومن حوالينه يحومن الصبايا
ارتفع سهم الموده مع عقابه=والله اللي رازقن طير وحيايا

	المشاركة الأصلية كتبت بواسطة ابوروان النويمي

	أستلم يالغالي يالصييفي كن قلبي وسط غابه=ومن حوالينه يحومن الصبايا ارتفع سهم الموده مع عقابه=والله اللي رازقن طير وحيايا

أبوروان النويمي
جف البير و وصلنا الغريف،
بيض الله وجهك على وقفتك معي،

و أشكر كل من شرفنا بإطلالته،

و أستأذنكم للإنقطاع بعض الوقت لظروف طارئه
و سأحاول الدخول كل ما استطعت.

أحد أبنائي سيعمل عملية بسيطة،
أرجو منكم الدعاء له،
جزيتم خيراَ.

إستلم ختام المسك لا هنت:

ربنا يكفيك من شر العصابه= حولهن الذبح مع شوي الحوايا
شاب عندي البيت و الباقي سرابه= جف حبري بعد يبسن الشفايا