وجهة نظر وابصم عليها بالابهام= بصمة خبير ولابدا القاف قايد

مع التحيه لكل من شرفني بالتواجد املي ان تنال اعجابكم
فواز الحنيحني العمري

لي وقت فكري منتحي يبو عزام =عن مجتمع شعر النبط والقصايد
قنعان منه العام والي وراء العام =ولالي هواء واصبحة عنصر محايد
شايم مع الي عن دقاق الحكي شام=الي بهم شعر النبط كان سايد
يالين شفت وعفت من بعض الاقلام =وقام يتلاعى الورق فوق الجرايد
ومن ماعرضلي بالبرامج والافلام =ومن مستجد وبان لي من جدايد
تليت سبق الي على الصيد جزام =يرهي على الجزله وسيع البنايد
طلعه وكاد ولعتلا مثل غشام =طير الشيوخ مطوعين الضدايد
فكرن يبشر بالسعد كل ماحام =عليه من كسب المعاني قلايد
وعليه شرهة خاطري كل ماقام =هاجوس فكري بالضمير ايتزايد
واليااوردن ماهن على فكري حيام =وردن على هداج ورد التلايد
ومن قال انا ضيم الرياجيل ينضام=بيتن سمعته من كنوز الفرايد
باناس كفو وخير لامه الي قيام=الساعه الي في كنفها الوعايد
وشهادتي بالشعر من طول الايام=وعندي على قولي ثبوت و شهايد
شهادتن قريتها يابو عزام=من خلقتي ماقط جمعت الردايد
واشوم عن كثر المغالط والاوهام =وروابعن منها تجيني نقايد
واصد عن هرجت منافق ونمام = واشفق على الطيب ولو كان نايد
ولمعنت في سير اليالي والاعوام =رضيت ياعياد عن وقت عايد
وسريت اضمد جرح واطمن ايتام =واقول جعل الله يحل الشدايد
عن جسم يشكي تالي الوقت الاسقام =من زود ماعانا من الوقت بايد
صابه مرض واستاصلت فيه الاورام =ويعيش بين الناس زهد وزهايد
ميزت في حاله وحارن الاقدام = مابين دربين التعب يبن زايد
ياعقب منهم عاشو وماتو احشام =وافعالهم تبقا بروس الشهايد
تبقى ولو في ذا الزمن حكم الارقام =حل وعطا حكم الولد اوووف سايد
اقسام راحت وابتداء حرب الاقسام =والعون من ربي سريع المدايد
وضرب اللغي اقوى من صواريخ قسام =منه ابتداء توزيع ورث البدايد
ويهل القصيد الي على الموقع العام = الشعر جزله ياهل الشعر كايد
كم شاعر شعره يدرس بالاعلام = وكم شاعرن مافي كلامه فوايد
الصمت عن كثر اللغى سيد الاحكام =لاصارمنه تشب روس الوقايد
وجهة نظر وابصم عليها بالابهام =بصمت خبير ولابدا القاف قايد