راعي الحساني ينجزي بالخطيه // الى جميع شعراء ملتقى حرب العزيزه

	المشاركة الأصلية كتبت بواسطة فايز المحيسن

	سلام يامجلس على نهج الاجداد = لاشـك ماتخـــلو من الشاذليه هاتولي الدله وشاهي و براد = وهاتو عشايه مثل عيد الضحيه اليوم ياصحابي على الملح والزاد = أشرح لكم بعض المعاني الخفيه اللي لها فالصدر برقً ورعاد = والمزن مردم فــوق نجد العذيه النجمه اللي مشغله بعض الافراد = لاشك ماهي من نجوم الثريه مادام تفتح باب ناقد وحساد = فالمجتمع تظلم نوايا بريه ياجعلها ماتعود لديار الاجواد = باسج عنها في شروح القضيه يامجلسً فيك العدل جيـت نشاد = ابغا علوم اهل الوفا والحميه فيني هــواجيسً وبحرً وصياد = وفيني حـروف الشعر والأبجديه وفيني ملك مالك ومملوكه الظاد = يشوم عن نهج العلوم الرديه يدور الجـزله من بلاد لـبلاد = لو كـان مايرحل يحث المطيه الشيخ قـوقل مايقصر فالأرشاد = كـريم يمنا شهرته عالميه حنا فوقت العولمه وكثر الاعداد = والنت والابتوب والنرجسيه هذاك نجارً وهذاك حداد = وهذا ولد دندون مافيه زيه ودنيا تقلّب كل يومً لها ماد = راعي الحساني ينجزي بالخطيه

صح لسانك وبيض الله وجهك وتقبلها على عجل

يامرحبا ياللي على الطيب معتاد = حياك في مجلس رجال الوفيه
اقلط بدارك والمباهير وقاد = من تحتها جمرٍ به النار حيه
يالصاحب اللي جيد الساس لك جاد=حسب الذي حبر القلم جاب طيه
ياللي بديت الحون قافك والانشاد=شرح المعاني بين ذيه وذيه
النجمة اللي بازغة مالها اسناد = لولا المجامل ماتبان الخفيه
العلم له فُقاد والدرس نُقاد = إن كان شافوا مانكتب فالشكيه
وانته عليك آمال ياذيب عُقاد = ومثلك كفؤ من يعرفك واهنيه
ما يتفق ضدين في حكم الاضداد=لابد ما نحسب لضد وخويه
وكان المعاني ما لها حرف جلاد=ماتنعطى نجمة ولامزهريه
والكل شاعر قاف والورد وراد=وجزل المعاني راح عنهم نحيه
وكلٍ على مدلول فكره والايراد=اللي غرف من جم واللي ركيه
ومن لابفكره فاد لو جاب مافاد = ياخذ عواري حق غيره عطيه
وترى العدد في وقتنا قام يزداد = لكن ابو نيه بها فاز نيه
ومادام للمشروع داعم وسداد = ياكثرهم وسط البلد سمكريه
شعرك يا ابو ماجد على روس الاشهاد=جزل المعاني لك عدودٍ رهيه