زيارة الشاعر الكبير/عضيب بن هليل الحربي لخادم حرب

بيض الله وجه خادم حرب الشيخ/ داخل بن عاتق الغيداني رئيس مركز عرجاء على حسن الضيافة و الاستقبال و العلوم الغانمة اللي تدل على

كرم خادم حرب و محبته لأبناء القبيلة .. و قد حضر هذه المناسبة عدد كبير من شعراء و ابناء القبيلة.

و أبو بدر يستاهل و يستحق دعوة الزيارة من كل حربي.......

اشكر اخي راجح على نقل هذا الخبر

و إليكم هذه القصيدة الترحيبية بالشاعر/ عضيب الحربي ألقاها الشاعر الشاب/ ساري بن صلاح بن ساري الشعبي الحربي

سميت باسم اللي جدانا برجواه=نرجيه من يوم(ن) على الناس يدها
سبحانه اللي كوّن الكون بفضاه= محصي يجميع الكائنات بعددها
من بعد ذكره نحكم البيت ببناه= نصوغ جزلات المعان بوعدها
نهتم في قافه و وزنه و معناه= حتى يجي في صورة(ن) مابعدها
يامرحبا ياعضيب زبن المخلاه= يامرحبا ياسترها ياسندها
يامرحبا ياعوق منهو تمهزاه= تليت صعبات المواقف بيدها
عد الصطر و الطيب ماهي محاباه= يادرع حرب و سيفها يافهدها
المدح يزها عضيب و عضيب يزهاه= يذكر و يشكر و الثمينة وجدها
ماهي غريبة من رجال(ن) مسماه= افعالهم في نجد كل(ن) شهدها
يوم المعاند و القسى و المثاراه=سواقة العطفة على من عمدها
يتلون اخو حسنا ذرا من تنصاه= شيخ الشيوخ اللي بعيد(ن) مددها
ماخمـّد الفسقان في داخل اخباه= في شذرته كم يشخ قومٍ صهدها
في دس طيره رد الاضعان لحماهه= ارهب اجموع القوم و اطفى سعدها
قلته و ربعي من تحداء تحداه= بني عمر كحل العيون و رمدها
دواسة الخطر سلاطين و اعصاه= إليا اعتلاء عج الرمك من جهدها
يتلون اخو نورة محمد بحسناه= كم بيت شيخٍ روحو في عمدها
و فعل اللويصق يبهج الصدر طرياه=تسعه بعد تسعين نفس(ن) جلدها
و اليوم في حكم(ن) عسى الله يرعاه= من زمرةٍ تبغى الجهل في بلدها
يارمحبا ياحرب في دار من جاه= يلقى هلا و اهلين يطفر زبدها
في دار داخل طيب الصيت و الجاه=مشرع البيبان للي وردها
يقوله الشعبي عقب قال مبداه= صلو على المختار بآخر امدها