bلالالالالالالالالالاخلوها

حمدفهيد الحربي=
الليله الليله نبـي سـوق القـدم=من غرب مكه لين ناصل للطوال
للديره اللي ذيبهـا قـام يعـوي=واللي عقد روس الحبال يحلهـا
بن راشد=
سر الذلول اليعربية واحتـزم=ثم احتزم بي لاتحيزم بالحبال
انا معك ياراعي الناقه خوي=واللي عقد روس الحبال يحلها
حمدفهيد الحربي=
اللي يسولف ياعميلـي ملتطـم=موحي كلامه عقب مازاد الجدال
والله قوي ولاتحت حيله قـوي=واللي عقد روس الحبال يحلهـا
بن راشد=
لو يلتمس سلك اللغم ثار اللغم=ومن ثورة الالغام تنهد الجبال
مايقنع الملقوف حتى ينكـوي=واللي عقد روس الحبال يحلها
حمدفهيدالحربي=
الملتمـس لاتقربـه يابـو كـرم=يطيح بعض الروس من حد الهلال
انت حضري ولا بدوي الا بدوي=وللي عقد روس الحبـال يحلهـا
بن راشد=
ما طاحت الا يا حمد روس الغنم=على الصياني مابها روح وتعال
ما ليّم اطراف الحسا غير اجلوي=واللي عقد روس الحبال يحلهـا
حمدفهيد الحربي=
نكبت شغلتنا يابو خشم و زقـم=لو ما لحقتك كان وجهت الشمال
احسب حسابك فيه فل ابلا طوي=واللي عقد روس الحبال يحلهـا
بن راشد=
انا احمد الله دامها جـرت قلـم=وابوثلاث اخشوم شاف الاختلال
واللي غلط بخوين ما اظنه غوي=واللي عقد روس الحبال يحلهـا
حمدفهيد الحربي=
اللي عليه الجوخـه الحمرسلـم=من غشنتٍ فيها مثل روس لطفال
واللي غلط ماهو قريب ولاذوي=واللي عقد روس الحبال يحلهـا
بن راشد=
مايستر الغلطات غيـر المحتـرم=والا الردي يفرح ليا شاف الخمال
وانته تبيها صفرنـه والا شـوي=واللي عقد روس الحبـال يحلهـا
حمدفهيدالحربي=
انته تعديت المكـان الـي يهـم=مدري رها من صاحبي ولاخبال
هذا ونا سميك بلاسـم حمـوي=واللي عقد روس الحبال يحلهـا
بن راشد=
اكيد من يسري الغداري ينّجم=والا يزل المخرج اقل احتمال
وحنا تعدينا الطريق الملتـوي=واللي عقد روس الحبال يحلها
حمدفهيد الحربي=
البندق اللي في يديـه ماتـزم=القطبها بااليل مركوز الخلال
الناس فاقة ونت توك تستوي=واللي عقد روس الحبال يحلها
بن راشد=
ماتظهر ادلي العرب غير المجـم=الى ركب حبل الرشا فوق المحال
واللي ورد هداج صدر مرتـوي=واللي عقد روس الحبال يحلهـا