سالم العرم ... وش عاد باقي بالزمن من مصايب

	المشاركة الأصلية كتبت بواسطة سالم العرم

	وش عاد باقي بالزمن من مصايب = ما دام راح اللي نعزه ونغليه اللي من اول له نسج الركايب = ونفرح إليا جابوا لنا الناس طاريه الله يامقوى فراق الحبايب = عزالله ان له جرح محدن يداويه جاني شباب وصرت في عمر شايب =الله على ماصار فيه يجازيه ما تشوفني حاضر وبحساب غايب =اصارع الغازي ولا ني بقاويه احيان احس اني عن الشعر تايب = واحيان من زود الطفش ننتخي فيه ومن بعد ما حطيت فوقه نصايب = اطلعه من حفرت الموت واحييه ماهو طرب لكن ظروف ونوايب = غير التسلي ما قفي كيف اخليه يطمع عدوي لالقاء المال سايب = او شاف من يرعاه ماهو براعيه والله يالولاء اللي ذكرته سبايب = لاقفل الباب المقابل وللغيه مالي وراء الشهره هجوس وطلايب = ولاني من اللي ود شعره يعشيه ولا قلت شعري لجل عكش الذوايب = راع الهوى يبيع قلبه ويشريه يطيب يوم ويوم ماهو بطايب =متقلبن فكره عسى الله يهديه

الاخ الشاعر سالم العرم ياعلك سالم من كل شر
صح السانك والله مليون
يعلم الله اني قريتها اكثر من ثلاث مرات
بيض الله وجهك على الجزاله يابو خالد
تحياتي لك وتقديري