ديوان الشاعر مشعل سالم النويمي

امشي مع الناس واتجمل = واحب درب الوفا والطيب
والكل فاصحابنـا مكمـل = مايوم فيهم رجايا يخيب

استوحشت فالبعد روحـي = والعين فاضت من الهجران
ياملهم القول فـي بوحـي = معقـول ماتسألـوا لـلآن

ياليت يسمح معاك الوقت = ونعيش فالقرب لو ساعة
في قلبي لهفة ولك إشتقت = يامن له الامر والطاعـة

امني النفـس بوعـودك = والعين شاقت على رؤياك
متى الخطاوي لنا تقودك = وافرح فلحظة صفا وياك

واقلبي يللي معك مامل = صورتك فالدار منثوره
حتى نعتني البشر مختل = مجنون متعلق إفصوره

مايكفي إني صبرت سنين = ضيعت عمري على شانك
ومن بعد هذا العمر ذلحين = ترفض وتعلن في عصيانك

يللي تقاسمت انفاسـي = ونبضات قلبي معك دقت
كل ماتذكرك في راسي = مشاعري كلهـا رقـت

فجأة تغيرت وش صابك = حتى علينا ماعاد تمـر
ماهفك الشوق لاحبابك = ولايام حلوة معاك تسر

--------------------------------------------------------------------------------
الحقيقة لاانسى موقف اخي الغالي ابو فيصل معايا وهذا أقل مايستحق ولا اوفيه الشكر


الى اخي الغالي همس القوافي

ياساقي الناس حب وطيب = غمرتني بخلقك الراقـي
الطيب غالب بكم تغليب = دايم على الخير سباقـي

هلا وغلا بابو فيصل وما سويت الا الواجب

ياحر في قمـة التهذيـب = والطيب من طيب الاخلاقي
دايم على خاطري ماتغيب = مشكور من داخل اعماقي