سلام في حلة هل التكميل والمجد التليد

ليل السهارى=
سلام في حلة هـل التكميـل والمجـد التليـد=من شاعر/ن/ يعرف وجوب الغير والساري سرا
ألكل لابه فالمعـارف يالعـرب بنـك ورصيـد=بكشف حساب البنك يا اهل الخير والساري
محمد البدراني=
يامرحبا ترحيبتاً تغنيـك بالعلـم الاكيـد=يا الشاعر الوافي بلا تقصير والساري سرا
ماعرف لا خالد ولاناصـر ولاعبدالمجيـد=ياغير بن عواد ماش امذير والساري سرا
ليل السهارى=
دام البقا ياصاحبي والريح تفعل ماتريـد=والموج حذرا يخدع الربان والساري سرا
الشاح يم الشاح يالبيطار والبندق تصيد=ابواردي لا تخطي النيشان والساري سرا
محمد البدراني=
ماحدن يفعل مايريد غير الله الفرد الحميـد=وش فيك قمت تحرف القران والساري سرا
ياكم بندق ياطويل العمر ترمـي ماتفيـد=وراك ماتثبت على القيفان والساري سـرا
ليل السهارى=
مانختلف بامر الولي الريح تهلك كل عنيد=وتكسّر السيسان والعمدان والساري سرا
عطني علومك يامحمد قول والمسرا بعيد=ماتنبخس في كفة الميزان والساري سرا
محمد البدراني=
بكره يرقونك جماعتنا الى رتبـة عميـد=وتصير معهم داخل الميدان والساري سرا
نظام ساهر يوم جانا كل مايخطي يزيـد=خل التخفي منهم الجدان والساري سـرا
ليل السهارى=
ياليتهم علوك يالجندي ولـو رتبـة عقيـد=اجيوشهم ماساقت الفرسان والساري سـرا
ساهر ضبطك فالاوله خل القديم صح الجديد=الهاشمي من خيرة العربان والساري سـرا
محمد البدراني=
ليتك حضرت العيد معنا كان ودك تستفيد=سقنا جموع الترك ياسهران والساري سرا
الهاشمي عانه منزح من قبل وقت الرشيد=يوم الحجاز مقفل البيان والسـاري سـرا
ليل السهارى=
جيتك على الميعاد تو العيد هذا يـوم عيـد=ترصد طريق الحاج بالعصيان والساري سرا
الهاشمي فالاولـه. والمقبلـه فيهـا يسيـد=طغى الشريف ولاْ قبل الطغيان والساري سرا
محمد البدراني=
أثرك راسب ياولد بالمدرسـه دايـم معيـد=حنا حماة الدين والاديان والسـاري سـراء
انتم منازكم منول حـول مكـه مـع قديـد=واليوم تحمل رخضة العنوان والسارئ سراء
ليل السهارى=
انا ليا مني عطيت الدرب فالماقف حديد=والمبتدي منّا يسن سنان والساري سرا
فديارنا حنا الشيوخ ونعطي الراي السديد=فالمشكلات لحرب يالذيبان والساري سرا

نكتفي بهذا القدر وطابت لياليكم وايامكم
ملاحظه:صراحه اول مره العب محاوره وهي ماهي بمجالي فالشعر وانا استفدت منها كثير والواحد نفس عن صدره ........