حفيد الحجيري + محمد العريمه

	المشاركة الأصلية كتبت بواسطة حفيد الحجيري

	الـــحـــجـــيـــري = يا سلامي سلاماً مثل كحـل العيـن=يبري اِعيـون وألاّ عيـون يعميهـا وينه اللي يجيب الجيم قبـل السيـن=يحسـب لكلمتـه قـدام يبديـهـا مـحــمــد الـعـريــمــه = مرحبا يالمسلم وانـت رايـح ويـن=والعيـون الرفيعـه منـت قاويهـا جيتكم والله انـي حاسـب الثنتيـن=واحسب لكلمتـك قـدام تنهيهـا الـــحـــجـــيـــري= البقـا يالمرحـب والمعانـي ديــن=والرياجيـل تِعـرف مـن معانيهـا يا عسا حظكم طيّب و فالك زيـن=مير حذرا من الجمـره يـا واطيهـا مـحــمــد الـعـريــمــه = احمـد الله مانـي دافعـه بعـديـن=حاضـر بحاضـر اولهـا وتاليـهـا ياعسا عظمكم ماينقسـم عظميـن=جمرتـن تحتنـا والوطـي طافيهـا الـــحـــجـــيـــري = احسن الظن والله ما نوينـا الشيـن=هدّ الأعصاب هـدّ النفـس هديهـا والله إنّـا سـواة الـراس للمتنيـن=لو تعلّـى المتـون الـراس عاليهـا مـحــمــد الـعـريــمــه= محسـن الظـن والله نيتـي للزيـن=قـو الارواح قـو الـروح قويهـا كل راس(ن) وله تاج(ن) على النوعين=تحسبـن العـوارف شـي خافيهـا الـــحـــجـــيـــري = يا العوارف نِعَرْفْ أهل القسا و اللين=ليّن القوم مـا هـو مثـل قاسيهـا بأنشدك ويش بنت اِلها دهر و سنيـن=فالخفـا ناويَـتـك الله يكافيـهـا مـحــمــد الـعـريــمــه = يالحجيري علومك صايـره وجهيـن=دوّر اللـي عزيـز القـوم شاريهـا حاسب حسابها والوقت لـه حديـن=واحذر الوقت دام الوقـت كاسيهـا الـــحـــجـــيـــري = الحجيـري علومـه كلهـا تثميـن=والهزيلـه لـك الله مـا يجاريـهـا يا محمد ما ابيك تصيـر بيـن وبيـن=كان ما امداك فأعط القوس باريهـا مـحــمــد الـعـريــمــه = يالحجيري عليكـم فاتـت الثنتيـن=والجزيلـه لنـا والنـاس تبغيـهـا ودنا نعرفـك فـي ثابـت الاسميـن=كـل نـاس(ن) تعرّفنـا بأساميهـا الـــحـــجـــيـــري = رقم واحد بَعَدْهْ يجيك رقـم اثنيـن=والقوافـي سـرت وانـت تغنيهـا اسمنا ذا و ذاك الوصف يـوم يبيـن=لا تدوّر عشا وانـت العشـا فيهـا محمد العريمه= ودي اقول صرنا وسطها سيفين=مير اضنك مع الايـام باليهـا كلّ ماجيت وليا ربعكم سارين=لاتدور عشاء والسـمّ غاذيهـا الحجــــــــــيري= بأختم القافيه والله عليها يعيـن=دامها من سماها ليـن أراضيهـا يا محمد كفو خابرك لا ذلحيـن=بعض الأصحاب لو تزعل نراضيها

بيض الله وجيهكم وصح الله السنتكم

شعار دواهي بارك الله فيكم

استمتعت بتصفحي لهذه المحاوره

الأخوان الحجيري ومحمد العريمه

لكم مني اجمل التحايا

ودمتم ودام ابداعكم