ياليتني فنجال بُن بيمينه................

الاخت /الكحيله
صح لسانك أبيات بغاية الرقه والدقه والكمال والجمال
واسمحى لى ان اجاريك على عجل ..واختلاف الرأى لايفسد للود قضية

يابنت يا اللي تقصدين وحزينه
خوذى نصيحة واحدٍمنصح إنصاح

الله يعينك والهوى خابرينه
طرد الهوى مافيه مكسب ولاأرباح

ياما وراه من الجروح الدفينه
ياما وياما بالحشا طعن ورماح

راع الهوى بحره يشيل السفينه
راحت حياته ماحصل يوم يرتاح

نوبٍ يزين ونوب ياشين شينه
بحره عميق وغارقٍ فيه سباح

هو الوحيد اللي سكن بالمدينة
مدينة أحلامه خيالات وأشباح

راع الهوى يمكن ضاعت سنينه
يطارد الضلماء على ضوء مصباح

راحت حياته كلبوها غبينه
تايه دليل وبين الاحزان سواح

الشرع لله والهوى مرتضينه
لا صار له قفلٍ وبابٍ ومفتاح

واللي رضيتوا بين خلقه ودينه
شريعة المختار قيموا له أفراح

وصلوا على المختار ياذاكرينه
اللي لفا بالحق ويأمر بالاصلاح