(تبقى العـقول الكبار كبار = والناس بعقولها تكبر)..من الأرشيف . للملتقى

الصامت=
هذا يثبت وذاك يشـوت=وللآن ما سدد الشوتـه
خوفك صواريخ باتريوت=يشرف بعدها على موته
العامودي=
نلاعبـه مانبـاه يمـوت=نبغـاه للنـاس حتوتـه
ويظل بين الحياة والموت=يموت يومي مية (موتـه)
الصامت=
ماينفع الصوت بعد الفـوت=بعد أحرز أهـداف مثبوتـه
ماحدٍ سمع لك ساعتها صوت=نادا وكـلاً سمـع صوتـه
العامودي=
بالقدس محنا وسط بيروت=وأللي صرخ وسط بيروته
اليوم أصبح وسط تابوت=من يسمعه وسط تابوتـه
الصامت=
في أرض مكه وطيبة بيوت = والقدس هو ثالث بيوته
حزات صمت الفتى بسكوت = يجني الذهب لحظة سكوته
يقل مقداره الثرفوت = مع ناس مثله و ثرفوته
واللي حفر قبره الحانوت = شاهد وما مات حانوته

سعدت بمحاورتك أبو عمر

شرواك واجب عليه يفوت=يسعى ليحصل على قوته
لا يضيع الوقت مع هلفوت=لو شافه يروح ويفوته
شايل بيده خريطة دوت=يلف قازه وما زوته
بالليل يشرب شراب التوت=ويجيب بعد العصر توته

وياصحابنا سامحونا

أخ تركي أشكرك جزيل الشكر على حسن أخلاقك وسعة
صدرك واعطائي فرصة التحاور معك ولك مني كل الود والتقدير

	المشاركة الأصلية كتبت بواسطة العامودي

	شرواك واجب عليه يفوت=يسعى ليحصل على قوته لا يضيع الوقت مع هلفوت=لو شافه يروح ويفوته شايل بيده خريطة دوت=يلف قازه وما زوته بالليل يشرب شراب التوت=ويجيب بعد العصر توته وياصحابنا سامحونا أخ تركي أشكرك جزيل الشكر على حسن أخلاقك وسعة صدرك واعطائي فرصة التحاور معك ولك مني كل الود والتقدير

أمثالنا يلبسون بشوت = ويكسي من أحتاج من دوته
كيف العمودي يجي معفوت = ويفوّته لوأخذ فوته
انت تحسب الحبل مفلوت= صاب النقا راس نبوته
وماروت لو عاونه هاروت =الحق محفوظ في نوته

شرواك واجب عليه يفوت=يسعى ليحصل على قوته
لا يضيع الوقت مع هلفوت=لو شافه يروح ويفوته
شايل بيده خريطة دوت=يلف قازه وما زوته
بالليل يشرب شراب التوت=ويجيب بعد العصر توته

وياصحابنا سامحونا

أخ تركي أشكرك جزيل الشكر على حسن أخلاقك وسعة
صدرك واعطائي فرصة التحاور معك ولك مني كل الود والتقدير