شبابية

	المشاركة الأصلية كتبت بواسطة حسين مريع العبيدي

	يوم الفؤاد اشتاق للمقصد اللي = كلٍ سعى له يوم جا وقت مسعاه سعيت انا قصدي حلال وحلي = شفي على اللي غاية القلب ومناه طفت المداين من محل ال محلي = ماشفت رغبة فالقصور المبناه ابغى دليل للمطالب يدلي = ومليت من كثر التعب والمعاناة ولاحصل للمشكلة من يحلي = واحترت فامري مطلبي وين بلقاه اخر مطافي صار للعقد حلي = فكرت والتفكير زانت نواياه قلت العفو يارجل خفي وقلي = تقللي بعد العقل فالبلد تاه ان كان وليا الحظ باينعدل لي = انصي ديار البدو ذباحة الشاه وايقت راس النايف المستقلي = ضلع طويل ويتعب الزول مرقاه مديت شيح العين في كل تلي = وفي كل وادي واترقب حلاياه واني بعنق الريم يمشي تسلي = بين العشوب وزين الازهار تغشاه بدويةٍ فيها الحلا والتحلي = زاد الحلا لبس الثياب المضفاه ابو جديل فوق متنه يهلي =يسحر سواده كل عين تحلاه والعين من تحت الهدب تستظلي= ترمي قوي الحيل لازان مرماه ماترمي إلا فارسٍ مايكلي = كم شارب سود العيون اتعشاه ومن السجايا كاسبة خير دلي = متعلمة كل العلوم المسماه وان شافت الضيفان قامت تهلي = ماتدرق وسط البيوت المغطاه بنت الصقور اللي تشيل المقلي = ولينها مطلوبنا اللي طلبناه

ماشاءالله

الأخ الشاعر الشيخ حسين مريع العبيدي

بيض الله وجهك على هذه الدره المرصعه بالجواهر

ابدااااااااع مميز قصيده عذبه مهذبه راااائعه في كلماتها

متماسكه في ترابطها تصوير ولا اروع

لله درك

وصح الله السانك

لك مني اجمل التحايا

ودمت ودام ابداعك