طوَّل غيابك يا هوا البال لا تغيب

طوَّل غيابك يا هوا البال لا تغيب

طوَّل غيابك يا هوا البال لا تغيب = لولا غيابك ماجرم الشعر فيّا
لي وعليّه في حضورك مواجيب = باللوح كتبن في حياتي عليّا
ماتشوفني عن نفسي اسج وغيب = مع الخيال أغيب ماني هنيّا
اركب على متون الرياح اللواهيب = اطوي تضاريس المسافات طيّا
يسوقني وقتي على غير ترتيب = بليلٍ شحيح النور مافيه ضيّا
طرقت بابٍ يسمع الصوت مايجيب = اسمعت لو ناديت ياصوت حيّا
من دون حلمي جاثم النمر والذيب = يتناوبون الدار صبح وعشيّا
دربي طويل وحال دونه غياهيب = وزادي قليل ولا معي لتر ميّا
هواي روس النايفات المراقيب = قبّة شريفٍ في ذعاذيع فيّا
مجدٍ يصادم مبرمات اللواليب = له شاهدٍ بين القمر والثرياء
ان ماجزينا راعي الطيب بالطيب = يحرم علينا لبسنا كل زيّا
أنا من حرب معرّبين المناسيب = قبيلةٍ ينطح بها كل هيّا
مثل السحاب اللي انصوبه محاديب = يروي غشينه يابس الارض ريّا
ون جت على روس النوازي جناديب = وعقيدها عن واجب الصلح عيّا
ركبوا عشاشيق البنات الرعبيب = من فوق حجلٍ زادن الني نيّا
نقسم بهم ترسانة الحرب لاهيب = لاصاح صياح الغضب للحميّا
كم نافلة وضحٍ عليها الدباديب = نكويبها وجيه البغيضين كيّا

صح لسانك




نص جزل ومميز

فيه كثير من الابداع

صح لسانك مليون على القصيده
والله يعطيك العافيه
بيض الله وجهك

	المشاركة الأصلية كتبت بواسطة علي البدراني

	صح لسانك نص جزل ومميز فيه كثير من الابداع

الأخ علي البدراني
اشكرك على الحضور والتعليق
لقد سرني ذلك لاهنت

	المشاركة الأصلية كتبت بواسطة الحب الباقي

	صح لسانك مليون على القصيده والله يعطيك العافيه بيض الله وجهك

الأخ الحب الباقي
صح بدنك ووجهك ابيض
اشكرك لقد سرني حضورك وتعليقك
لاهنت : تحياتي

قصيده قمة الروووعه
اخوي نافع الحربي
صح لسانك وعلا شانك
قصيده جزله من شاعر جزل
لاهنت ولاهان حضورك الطيب
احترااامي

صح لسانك ..

قصيده رائعه واحساس اروع ..

الشاعر القدير
نافع الحربي

صح لسانك والله يعطيك العافيه
على القصيده الرائعه وكفو

تحياتي وتقديري

تحياتي

	المشاركة الأصلية كتبت بواسطة سعودية

	قصيده قمة الروووعه اخوي نافع الحربي صح لسانك وعلا شانك قصيده جزله من شاعر جزل لاهنت ولاهان حضورك الطيب احترااامي

أختي المبدعة السعودية
لقد شرفني حضورك في متصفحي
وسرني تعليقك الراقي لاهنتي
تحياتي وحترامي

	المشاركة الأصلية كتبت بواسطة المطر

	صح لسانك .. قصيده رائعه واحساس اروع ..

هلابك أخي المطر
لقد سرني حضورك وتعليقك
والرائع حضورك يالغالي لاهنت