ياراعي الاولى تعال وتقدم

	المشاركة الأصلية كتبت بواسطة الصييفي

	صحت السنتكم بدر بن شطيط الحربي و محمد عويض البدراني بيض الله وجيهكم أنا أدور عليك يا محمد و أثرك شارد عني هنيا لا تنسى محاورتك الاوله تنهيها تحيتي لكما

والله يا اخوك جربعتني لين ماعينت خير والاعاد انا راجع معاد لي قدرة فيك لكن ابا ارسل عليك بدر شطيط هذا هو يوكلني مطبات

المعذره البارحه جات عندي مشكله في الاتصال ارسل الرد مايرسل لكن استلم ياطويل العمر

يابدر مانيب جاهلن في كلامك =
والورع يقدر يحتزم في حزامك =
اقفى شبابك ثم قرب صرامك =
انته طبيباً بيطري دور على عنزن وشاه = ماحدن يستشيرك بالمشيره والله الوالي ولي
وشلون تطلب درس وانت لاساع ماتعرف القراه = معك خلل وسط الظفيره والله الوالي ولي

معذور يابو عويض ومصدق

انا حزامي مايجي في جنوبك=
يقطع ضهرك وفارينلك جيوبك=
ياحليلك ان شبت حليله شبوبك=
يالله على بابك يافتاح الابواب=

لاصار طبي بيطري ويش انت وين الانتباه = حب ورحاتا" مستديره والله الوالي ولي
آعلمك وآدرسك واشرحلك الحلو وحلاه = واعطيك مصاصه وبيره والله الوالي ولي

انته يا بدر اليوم قاعد تنافخ=
ماتدري انك مثل هرشن منوخ =
منوخينك غصب ومني مفنخ=
ياالله على بابك يافتاح الابواب =
انا درست العلم مع ناسن يحلون القضاه = مانته معي وسط المسيره والله الوالي ولي
لكن خلك يا ولد عمي تحت كم العباه = مانته بشيخاً للعشيره والله والوالي ولي

اوجهك للدرب وانته عنودي=
ماتدري اني للمعاند ضدودي=
لاتستحي واطلب وامد النقودي=
يالله على بابك يفتاح الابواب=

بالله متى تتدل دربك ماتجي للاشتباه = الوزن والمعنى وغيره والله والوالي ولي
ياوعل طقيت القرون العوج في صم الصفاه = واصبحت وامرك فيه حيره والله الوالي ولي

	المشاركة الأصلية كتبت بواسطة بدر بن شطيط الحربي

	اوجهك للدرب وانته عنودي= ماتدري اني للمعاند ضدودي= لاتستحي واطلب وامد النقودي= يالله على بابك يفتاح الابواب= بالله متى تتدل دربك ماتجي للاشتباه = الوزن والمعنى وغيره والله والوالي ولي ياوعل طقيت القرون العوج في صم الصفاه = واصبحت وامرك فيه حيره والله الوالي ولي

بالله لاتقعد عليه تفلسف =
ياكثر منك اللفلفه والتلقف =
ابراي الله منك صاير ملفلف =
ياالله على بابك يافتاح الابواب=
ياعسكري وش فيك الليله تلخبط بالمشاه = ماانته بقدوه بالمسيره والله الوالي ولي
حنا نشيل الروس ونطق الضروس تحت الجماه = ونته تسحب لك قطيره والله والوالي ولي

ماهو تفلسف ماتعرف التفلسف=
هذي معاني مانت في قدها اسف=
معلمك بالعلم يوم المعاسف=
يالله على بابك يافتاح الابواب=

اللي تلخبط من بناله جدر متهافي بناه = واكيد للطيحه مصيره والله الوالي ولي
لاخير في سيفا" ليا جا موقفه عجز يحماه = انصحك رده في جفيره والله الوالي ولي

صح لسانك يامحمد وسعدت باللعب معك
شاعر كفوا لك احترامي وتقديري والختام عندك

والله انها عجبه هلمحاوره

صحة السنتكم جميعا

	المشاركة الأصلية كتبت بواسطة بدر بن شطيط الحربي

	ماهو تفلسف ماتعرف التفلسف= هذي معاني مانت في قدها اسف= معلمك بالعلم يوم المعاسف= يالله على بابك يافتاح الابواب= اللي تلخبط من بناله جدر متهافي بناه = واكيد للطيحه مصيره والله الوالي ولي لاخير في سيفا" ليا جا موقفه عجز يحماه = انصحك رده في جفيره والله الوالي ولي

المعذره يابدر حنا مزحنا =
وابغى السموحه كان حنا جرحنا=
لو ينجرح حربي ماوالله سكتنا =
يا الله على بابك يافتاح الابواب =
يابدر كلن يطلب العليا وينظر في سماه = والصقر يعرف من مطيره والله االولي ولي
مااحدن يقر انه ردي لن الردا ماحدن يباه = والعبد محكوماً مصيره ولله الوالي ولي