الي الشاعر الذي يريد ان يتقدم

	المشاركة الأصلية كتبت بواسطة البيرق المنصور

	البيرق= سلام والقصد والغايات = الطيب والعز والنوماس على كذا نبدع الابيات = ويشاهِدْونا جميع الناس حفيد الحجيري= ترحيب من صافي النيّات = والقدر مرفوع فوق الراس هات الذي في ضميرك هات = يا منجم الدرّ والألماس البيرق= تبقى ويا ابرك الحزات = جيتك فالماد ياقرناس وقلبي تزايد به النبضات = مع كل ما ذعذع النسناس حفيد الحجيري= للطيّبه نسرع الخطوات = وتْشُوُش الأفكار والهوجاس لعل قلباً شكى اللوعات = باسه قوي ما يصيبه باس البيرق= فالطيب مانهدي السرعات = بسياس دامك معي بسياس وانا تراني ياذيب سوات = الناس اللي لهم احساس حفيد الحجيري= ما أذمكم من هل الطالات = واحنا لنا النايفه نبراس لأهل الوفا نوفي المدات = بقياس دامك معي بقياس البيرق= ان كان ماتسمح الساعات = تاخذ معي فاللحن مرواس روح معك كامل الاوقات = وانا انتظر لك مع الجلاس حفيد الحجيري= معاك فالسهل والصعبات = ما نشرب ألّا قراح الكاس ابدع ولك مننا الجزلات = ما قام بنياً بليّا ساس البيرق= قدمت معروض بالشكوات = فيديك ماهو مع الحراس والياه مضموم فسجلات = عليها دار الزمان وحاس حفيد الحجيري= معروضكم ما علينا فات = ولا جفّ حبره على القرطاس إلّا وجتكم به اِفادات = وتوقيعنا بآخر الكراس البيرق= ماقلت ماجاتني فتوات = لكن منته بحالي حاس لانته قلت الغناوي جات = ولانته منير على افلاس حفيد الحجيري= رادارنا حلل الهزات = واليا انها ما تهد الباس والكوره اللي بلا شوات = تقدر على صدها الحراس يا ذيب لا ترفع الرايات = دوس الخطر والخطر منداس لا تهزك الريح والحايات = ولا تحني الراس للامواس

بيض الله وجهك يالبيرق المنصور سعدت بمجاراتك
الشكر لك ولكل من تابعنا
لنا لقاء آخر ان شاء الله
لك وللجميع كل الود والتقدير