مخصوص لشاعر النبراس .،.،.،.،.،.،.،. ( بيان الصمت )

فواز الزويهري=
سلام من هاجسي بحساس=وأحلى من الذوب في شمعه
مخصوص لشاعر النبراس=والذيب مايختلـف طبعـه
بيان الصمت=
يا مرحبا يا جويد الساس=يا معطر القيل من نبعـه
للذيب في خطوته مقياس=ما يهجم الا بحكم وضعه
فواز الزويهري=
عساك تبقى على النوماس=يالصاحب اللي على الرفعه
وقـدام مانفتـح الأقـواس=تأخيركم ويش سبب بدعه
بيان الصمت=
يا صاح مالك وما للنـاس=بعض الخبر صعب في رجعه
هات الذي هيض الهوجاس=صور لنا الحال مـن وقعـه
فواز الزويهري=
سم العقارب شربته فكاس=وساس البلا من رقم سبعه
ماعاد عيني يجيها نعاس=ياليت وأقدر علـى دفعـه
بيان الصمت=
ماحول هذا الرقم من باس=ما يمتلك ضره ونفعه
لزوم عندك سبب من ساس=لا تفصل الساس عن فرعه
فواز الزويهري=
أكيد صاحبك جاله ماس=من قوته صابته صدعه
سبعه ليالي عصبت الراس=مما أعاني إلى الجمعه
بيان الصمت=
هذا الخطر دقت الأجراس=فيروس ما تقدر لمنعه
ياتيك حتى مع النسناس=حديث من آخر الطبعة
لكن تدرج معه بسياس=خذ من أساسه مصل ينعه
ترياقها طيب الأنفاس=تشرح ويصغي لكم سمعه

	المشاركة الأصلية كتبت بواسطة بيان الصمت

	بيان الصمت= هذا الخطر دقت الأجراس=فيروس ما تقدر لمنعه ياتيك حتى مع النسناس=حديث من آخر الطبعة لكن تدرج معه بسياس=خذ من أساسه مصل ينعه ترياقها طيب الأنفاس=تشرح ويصغي لكم سمعه

الله الله الله

صح لسانك وبيض الله وجهك

على الرد الرائع الجميل

لك خالص التقدير

	المشاركة الأصلية كتبت بواسطة بيان الصمت

	بيان الصمت= هذا الخطر دقت الأجراس=فيروس ما تقدر لمنعه ياتيك حتى مع النسناس=حديث من آخر الطبعة لكن تدرج معه بسياس=خذ من أساسه مصل ينعه ترياقها طيب الأنفاس=تشرح ويصغي لكم سمعه

الله الله الله

صح لسانك وبيض الله وجهك

على الرد الرائع الجميل

أسعدني هذا اللحن معك يابو محمد

لك خالص التقدير