ديوان الشاعر عبدالله عتيق الحنيني

السيل عانه من علوه تحدر=وان ما مكنت السيل خطير يمكنك
يا العبد مالك غير شيٍٍ مقدر=وطبع الزمن يفرحك واحيان يحزنك
دربك خضر ما ني بقايل مودر=صحيح ما كلٍ تحطه على ايمنك
خاطر رفيقك لا تكدر تكدر=ماني بدايم دايمن لك و افطنك
كم واردن لا صمل العلم صدر=تطق حنكانك وترقل فراسنك
يوم البروق تلوح وانته مخدر=جربوع لوينبث دميناه يدفنك
لو ان عسرات المواقف تقدر=كان اقرب الموجود عندك يفرمنك
ياليت فرقا مثل شرواك بدر=وتشوف ركض ايسرك بالدرب وايمنك
ما تكسب المحار واللول والدر =مخدوم والمحار الاول ماهو منك
راسك عليه اكبر ختوم المسدر=وتاخذ من القطب الجنوبي بمعدنك
حرار وقفو في نحر كل ندر=ما جبت ربع المستوى في تضامنك
لو تلحس اذنك كان يمكن تصدر=صدارتن ضمانها مثل ضامنك
عينك بها سود الغطاريس غدر=لا صار ماتدرا العواقب اطمنك