سلام تسليم الوفا والكرم والطيب والجووووووووووووووود

	المشاركة الأصلية كتبت بواسطة حفيد الحجيري

	آسف على التأخير ولكن كنت مشغول جدا واستلم يا هيه حنّا اللي نحلّ الحبل لن كان معقود = منهو يجازينا جميله نجازيه بجميله لا تنقد أهل العرف وأنت من أهل العرف منقود = جبنا الهدف وأنت تطمّش بالأعيان الكحيله

ياحليل فرخ الصوص حاشوه يمي سعد وسعود = وانا بحالي مابغيته لكنه ياحليله
لابالله الا صرت مابين ضرس وناب مقصود = ياصايب الاهداف عينك رمدها من يزيله

	المشاركة الأصلية كتبت بواسطة مرسى الثقال

	ياحليل فرخ الصوص حاشوه يمي سعد وسعود = وانا بحالي مابغيته لكنه ياحليله لابالله الا صرت مابين ضرس وناب مقصود = ياصايب الاهداف عينك رمدها من يزيله

شيهان ما له طمعةٍ في حمد ووخيّه حمود = لكنّ أخيّتهم بعد جات نقبلها حليله
ياللي رماك الحظ الأقشر ما بين ذياب وآسود = لقمتك ما تكفي عشا ذيب لو يومٍ وليله

شيهان ياشيهان تكفخ تحت ماتكفخ سنود= ماطار مكسور الجناحين لو هي مستطيله
الظاهر انك جيت يم القراده وانت مقرود = تبحث عن السكين مثل ام قرنين الخبيله

	المشاركة الأصلية كتبت بواسطة مرسى الثقال

	شيهان ياشيهان تكفخ تحت ماتكفخ سنود= ماطار مكسور الجناحين لو هي مستطيله الظاهر ان جيت يم القراده وانت مقرود = تبحث عن السكين مثل ام قرنين الخبيله

عادتك رفع الصوت يوم العرب نيّام ورقود = تحمي حلال القوم من كل مخلوق تخيله
با أسلّ سيفي مير منته لسيفي قدّ وقدود = يا كبرها لو كان سليّت سيفي للحسيله

	المشاركة الأصلية كتبت بواسطة حفيد الحجيري

	عادتك رفع الصوت يوم العرب نيّام ورقود = تحمي حلال القوم من كل مخلوق تخيله با أسلّ سيفي مير منته لسيفي قدّ وقدود = يا كبرها لو كان سليّت سيفي للحسيله

وش عادتك يوم الخلايق لها عادات وجدود = بين الشناذر والامور الفسيله والفشيله
اقصاك ياقربه ويا قرب بعدك يابو شهود = لجيتنا في حاجتا" عنك حاجه مستحيله

أشكرك يا أخوي مرسى الثقال
ما قصرت والله يعطيك العافيه
سعدت باللعب معك وان شاء الله لنا لقاء آخر
وأشكر جميع من تابعنا واتمنى أن نكون حزنا على إعجابهم
تقبلوا مني وافر الأحترام

ولك الشكر يا اخ حفيد
والعفو وانا كذالك تشرفت باللعب معك
والشكر موصول للاخوان المتابعييين...