منصاها/نايف الجربوع

سلام وتحيه من ضميري لــها مفعول = طعمها العسل وبريحها المسك والكادي
تحية محبه ساقها منطق معســول = تحرّك من الاعماق جود لمن جادي
على نايف الجربوع مني بكل وصول = لانه حكيم ويفهم الجيم والضادي
علومي يابو طلال بنيت على مدلول = اباارمز لها والعلم وضعه ماهو عادي
انا ليا بغيت اقول مدري وشاباقول = لكن خاطري لمنازع الهرج منقادي
اباسألك عن رجال حازم ماهو مسئول= بداء وابتدا بالحرب والاظلم البادي
وعن اللي حمل واليوم فوق الظهر محمول= وعن المستفيد اللي قضى العمرمافادي
وعن اللي مثل ماقيل يكره وهو ماكول = وعن الساكت اللي كل مايسأل ينادي
وابانشدك عن بنت وفت عقب حال الحول= لها وقفت تعجبك في عالي الوادي
وعن الابلج اللي تعتزي به وهو مشلول= وعن اللي يصيدونه وهو قبل صيادي
وعن الزارع اللي كل ماجمع المحصول = كلته الطيور وعاوده حظه الرادي
وانا لي هدف لاشك مابغى الكلام يطول = افضل يكون العلم في منطق هادي
اذا كنت مثل الذيب وصط البلاد تجول = با العلم واسبابه وانا موقفي عادي
كبير المقام اليوم تكفيه حبة فول = وهو من قبل يشره على طيب الزادي
عقب مايقود القود بذراعه المفتول = وطاه الزمان اللي وطا بعض الاجوادي
انا بانشدك وشصارمن هول لابالهول = اريد الخبر وانا على العلم ورّادي
ليا ارسلت للمرسل جواب مع المرسول = توكد ترى ما فات ماهو بينعادي
توقع ترى قدامنا عالم مجهول = تدين البري بالذنب وتميل القادي
انا عارف ان الرزق عند الولي مكفول= يسوقه ولي العرش من غير ميعادي
حياة الرجل تمضي وتفنى وهو مشغول = ورا الزود يجري لكن يموت مازادي
نبي ندرس الاوضاع ونلاعب المجدول = نصفق مع النادي ونلعب مع النادي

ــــــــــــــــــــــــــــــــــــــــــــــــــ ــــ
والحقيقة رد عليها نايف ردا جميل ساورده فيما بعدان شاء الله.

صح لسانك وبيض الله ابو خالد

الاخ القديرالشاعرابوخالدالفريدي

صح السانك مليووووون وبيض الله وجهك

تسلم ياالذيب على هذي القصيدة الجزله والرائعه بروعة حضورك الجميل الله يعطيك العافيه

تقبل تحياتي وتقديري

الله يسلمك

كلمات جزلة ووافية من شاااااعر كبير ومتمكن

صح لسااااااااانك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك يابو خالد الفريدي قصيده جزله من شاعر جزل

شاعرنا الكبير / علي بن زيد بن نغيمش الفريدي

صح لسانك عدد نسمات الهواء وقطرات الامطار


وصح لسان نائف الجربوع وبإنتظار اكتمال العقد


وتقبل مني اجمل تحية

بخيتان البشري
وليف الشوق
شيب عجيب
الحب الباقي
خالد اللهيبي
عبدالله الفريدي
اعتذر عن تأخري في الرد فوالله نسيت اني وضعت هالقصيده
وشكركم على الردود الجميله في منطق اعتبره وسام وفخر لي لاهنتم

	[rainbow]صح السانك وبيض الله وجهك ويعطيك العافيه وتقبل مروري[/rainbow]

صح الله لسانك
ولاهنت
وسلم فكرك وبنانك
دمت برعاية الله وحفظة