الشاعر طلال معيض وليل الشتاء

اه ياليل الشتاء جيتك حزين=
دامك اطول من نهارك في شتاك=
لايبين الصبح تكفى لايبين=
خلني باسهر على حزني معاك=
ودي اخفف من الجرح الدفين=
وانت ساتر ودي استرها وراك=
مايعيب الرجل كود بحاجتين=
اكتب الحكمه على صفحة مداك=
دمعة الرجال والعلم المشين =
والله ان ايطيح من عالي سماك=
والقضيه كلها في كلمتين=
حب ن اعمى ماوراه الا الهلاك=
ابتدت ياليل قبل اربع سنين=
صرت انا المملوك بعيون الملاك=
عمرها العشرين والعقل الرزين=
داخل حدودي يسوون انتهاك=
صرت عند البن كاالمتسللين=
افتكه جيش السعوديه فتاك=
كل ماقربت لدت لي بعين=
من حياها تقول لي عود وراك=
قلت ماعندي نوايا الطامعين=
جابني يمك ترا ريحة شذاك=
قلت خوذي دين مكبول اليدين=
اقبلي قلب ن شبكتيه بشباك=
يافطينه واسمعي كلمة فطين=
من يبيعك في حياته ماشراك=
والله اني ماابيعك بالثمين=
كل غالي يابعد روحي فداك=
روحت ياليل والعلم اليقين=
قالت الموعد هنا حزة لقاك=
والعلاقه بيينا تبدا تزين=
حبها ياليل اعمى من عماك=
من رداة الحظ والحب اللعين=
جيت ابوها طالبه غصن الاراك=
كل شي يطلبه دونه سجين=
لاتقرب من عصى ماهي عصاك=
قلت قاسي قال لايمكن يلين=
قلت يامغرور قال الله بلاك=
لين ضاق الصدرواقفيت استعين=
يالله انك لاتخيب من رجاك=
يالله اني طالبك حلو الجبين=
ذيك لامن ةشفتها شفت ارتباك=
وانتهت ياليل في لحظه وحين=
وان بغيت احيان يصعب مبتغاك=
لجلها جيتك وانا كلي حزين=

صح لساااااانكـ

صح لسانك يالشاعر

ولاهنت على هالشامخه

صح لسانك
..
..
أسجل اعجابي بالقصيدة
..
ويعطيك العافيه ..

,
,
,
صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه

راعي الشاص دمت سالما

تركي بن بجاد شكرا على كلامك الجميل

سالم الفريدي لك اجزل تحياتي ولاهنت ياغالي

ابو فياض النويمي منكم نستمد الابداع ولك الف شكر تحياتي

	[rainbow]صح السانك وبيض الله وجهك ويعطيك العافيه وتقبل مروري[/rainbow]