الجبرتي وصياف يرحمهماالله

الجبرتي=
سلام ردية جديدة من فكر شاعـر جديـد = وخصمي كما الباكور والباكور برقبة الجمل
حنا لفيناكم وجيناكم علـى صـم الحديـد = ياللبارق المنشور والباكور برقبـة الجمـل
صياف الحربي =
الشاعر الطيب يوكدها على العلم الوكيـد = وسيلك يسيل احدور والباكور برقبة الجمل
المؤمن اللي ما يعيد في شهر شعبان عيدد = ينه ما هو منكور والباكور برقبة الجمل
محمد الجبرتي =
انته وابن مستور جيتونا كما البدو الشديد = ما من وراكم سور والباكور برقبة الجمل
أكلتم العبود والعبود فـي بطنـك جديـد = ونشب بوسط الزور والباكور برقبة الجمل
صياف الحربي=
حنا نزور الغرب وأقصى الشرق لو إنه بعيد = وأنته ماغير تدور والباكور برقبـة الجمـل
اللي كلا اللقمة ونشبها تحت حبـل الوريـد = يأكل بغير اشعور والباكور برقبـة الجمـل
محمد الجبرتي =
كل المعاوش شالها زيدان في دحقة مزيد = وسافر مع البابور والباكور برقبة الجمل
حنا نشوفك صبح يوم إنك تصلي بالمسيد = يا لاحس البلور والباكور برقبة الجمـل
صياف الحربي =
يا صقر ياللي كل ما أطلقت المخالب ما تصيد = كثر عليك الجور والباكـور برقبـة الجمـل
سبحان من بيدك والعربان قالـوا مـا تبيـد = وقفل عليك الصور والباكور برقبـة الجمـل
محمد الجبرتي =
أنته عقيد القوم يا صياف ما غيرك عقيـد = ولاتخرب الماطور والباكور برقبة الجمـل
الناس هادت وأنت طول الليل تمشي ما تهيد = يالساحر المسحور والباكور برقبة الجمـل
صياف الحربي =
يا راعي البشت الشمال اللي نهبته من حميد = لا تدخل الطابور والباكور برقبـة الجمـل
أنا معايه عزم وإذراع(ن) معه زنداً جويـد = وحال العرب مستور والباكور برقبة الجمل
محمد الجبرتي =
سبحان رب ساتر العربـان ستـار العبيـد = ويطول المقصور والباكـور برقبـة الجمـل
أنت أحمر الساقين ما جالك من أخوانك طريد = طير وعكف منقور والباكور برقبـة الجمـل
صياف الحربي =
أحسن تمسك بالشرف والعقل والرأي السديد = والزور ما به نور والباكور برقبة الجمـل
العام جبنا لك عقال وها السنة زدناك قيـد = وصار الخبر منشور والباكور برقبة الجمل

منقول
محمد الجبرتي وصياف الحربي

الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك

اللهم اغفرلهم وارحمهم ..,
شكرآآ لك على النقل ولاهنت

بيض الله وجهك