ديوان كسرات الشاعر / عبدالرحمن مساعد بن شريان الجحدلي ( الذراع )

قال الشاعر / ماجد عبدالله الجدعاني ( ابو مديدة )

نبغى المثل فالمصافا يكون = حسب القوانين والساير
يا راعي القن والقانون = سلام يا حضرة الشاعر

رديت له

شرح الصفا بيننا مضمون = يا صافي القلب والخاطر
القلب من طيبكم ممنون = يا مرحبا خاطري شاكر

رد ماجد

تبقى ويبقى الذي يفتون = أمثالكم ردهم ناير
لا زال قلبي يعيش غبون = كل يوم في عند ومشاجر

رديت له

دنيا أصل حرفها من دون = واللي ورد بحرها صادر
لكن على طيبها يثنون = أوصيك بالصلح يا ظافر

قال الشاعر/ عطيّان بن زاهي البلادي :

سلام بالفل و الكادي=ومحللينه بموية ورد
عبر الهواتف و الأرصادي=يضفي على المجتمع و الفرد

رديت له :

يا مرحبا و السعد بادي=لقدومكم يا رجال تعد
جيران وافين وانجادي=يااهل الصفاء و الوفاء و المد

قال ابو عاطي :

عسى البقاء و الله الهادي=مد الوفاء بيننا مقصد
جانا الخبر و الفرح زادي=بحضورنا عندكم نسعد

قلت له :

يااهل الوفاء غرّد الشادي=بأطيابكم من قديم العهد
الحال و المال ينقادي=مني لكم مد ماله حد

قال الشاعر / معيض بن وسيّود الكرشمي العتيبي :

الله هو الرازق الراحم=نسبّح لوجهه و نشكر
سلام مني لابو داحم=أحلى من الشهد و السكر

قلت له :

يا مرحبا قدركم لاحم=مع هاجس القلب لا فكّر
يمشي مع الدم و يزاحم=يا معيض يا طيّب المذكر

قال الشاعر / حسين بن حميدان العوفي :

مرّت سنه و العمر يجري= سنه جديده بديناها
ولاظن فينا أحد يدري=نموت ولاّ نتعداها

قلت له :

هذا السنه سنة الغدري=هلت و شفنا ضحاياها
راح الحريري رحل بدري=ملامحه ما عرفناها