ديوان الشاعر مشعل سالم النويمي

ليه اللقيط عندنا ينعاب = والمجتمع دايم ايعيره
مسكين ماله بالاسباب = لاتحملونه غلط غيره

ياسليل المجد ياابن الكرام = يامن به العقد في صحبي اكتمل
ياكم بحثنا مالقينا المرام = حتى عرفناك يانعم الرجل
الذهب معروف وزنه بالجرام = من غلاه معروف مابين الحلل
يللي على خلق وذوق واحترام = وفي قلوب الخلق مجعلك محل
اللي عرف مثلك يغرمبه غرام = ياكبير القلب يامصلح خلل
لك وعد مني والزم به التزام = ماتركت الحر والله ياجمل
وان حصل تقصيرمني بالكلام = انت سيد العفو يضربك مثل
وختام صلوا علي خير الانام = عدد مبرق رعد وحبات الرمل

اقرأ بتمهل وبتفكير = زود تفهم معانيها
عظة في سورة التكوير= ياغافل الذكر تحييها

يللي تبختر كذا ومختال = شايف بنفسك على اقرانك
حرص لاينقلب لك حال = ابليس يسعي لخسرانك

يالله ياعالم الاسرار = يارازق الحوت في بحره
نقمتك يارب من الاشرار= صهيون معطي لنا ظهره
تقتل رجال من الاحرار= واصحاب اراضي مندحره
ارسل عليهم سيول جرار= النفس يارب منقهره

الناس تجري ورى الموضه = كثير يسأل على ماجد
ذا لبس فاضح تحت حوضه = من شوفته نفسنا تنسد
واخر تقاليع مرفوضة = في ديننا مالها من سرد
دنيانا ليه كذا فوضة = متى يوقف هذا المد

في ناس فيها وفا نادر= تمشي على الصدق ترقابه
وناس اتحرى غلط صادر= تفرح وتشمت وتهنابه