ديوان الشاعر مشعل سالم النويمي

جاني جواب حضرة المختار= مما كتب فيه حيرني
يشكي من طلعت الاسعار = يالله يارب دبرني

يللي تبصبص على الجيران = من اعلا اسوار في دارك
اوعك تقرب من النيران = بكرة يجوز ينكشف عارك

خلك مسالم ولا تنجر= خلف المشاكل وراعيها
عديمه ودربها خنجر= ياما تخلف مساعيها

ثلاثة ياصاحبي انصحك = الحقد والظلم والريبه
خلك حنين وهو مربحك = تكسبها الناس بالطيبه

ليه اللقيط عندنا ينعاب = والمجتمع دايم ايعيره
مسكين ماله بالاسباب = لاتحملونه غلط غيره

ياسليل المجد ياابن الكرام = يامن به العقد في صحبي اكتمل
ياكم بحثنا مالقينا المرام = حتى عرفناك يانعم الرجل
الذهب معروف وزنه بالجرام = من غلاه معروف مابين الحلل
يللي على خلق وذوق واحترام = وفي قلوب الخلق مجعلك محل
اللي عرف مثلك يغرمبه غرام = ياكبير القلب يامصلح خلل
لك وعد مني والزم به التزام = ماتركت الحر والله ياجمل
وان حصل تقصيرمني بالكلام = انت سيد العفو يضربك مثل
وختام صلوا علي خير الانام = عدد مبرق رعد وحبات الرمل

اقرأ بتمهل وبتفكير = زود تفهم معانيها
عظة في سورة التكوير= ياغافل الذكر تحييها

يللي تبختر كذا ومختال = شايف بنفسك على اقرانك
حرص لاينقلب لك حال = ابليس يسعي لخسرانك