ماني بغصنٍ تهزه كل الارياح

حبيب=
يامرحبا عد ماهبن الارياح= في حلة أهل الكرم و أهل الشهامه
الليلة اللية أمسى البال مرتاح= و العين لدت على ساحل تهامه
صياف=
عسى البقاء و الليالي نور و أفراح= راع الكرم يعرفونه بالكرامه
يعوضك بالخساره كثر الارباح= أنظر بعينك و لاتنسى العمامه
حبيب=
أوحيتلي ليت الأول حس صياح= و أن كان عندك خبر قلي علامه
ماطالعٍ فالبحر خوخٍ و تفاح= من هذا الحينه ليا يوم القيامه
صياف=
أشوف بين الجماعه هوش و جناح= كلٍ نركز بندقه و أرخى حزامه
فالبحر الاحمر سبح عشرين سباح= و البر يكفيه الأذخر و الثمامه
حبيب=
كم قلتلك لاتناطح كل نطاح=بعض المشاوير مكسبها السلامه
لقيت لي فالبحر حوته و تمساح=و الحوته الطيبه فيها علامه
صياف=
مشيت مع جرتك مسرى و مسراح=و لولاك غالي لأحملك الغرامه
بشر عسى بيت أبو صياح ماطاح=بعد الجمل قام يأكل من سنامه
حبيب=
جنبت عناء و جالك خف و جناح=و اليوم عديت في ريع الندامه
البيت معمور و اللي فيه ماراح= و النور للناس أخير من الظلامه
صياف=
ماني بغصنٍ تهزه كل الارياح= أصيل ماناشني عرق الرخامه
ياأهل الجبال الطويله سدكم باح= أعماكم الذيب من ريش النعامه
حبيب=
أن كان راحت لزرق سيوف و ارماح= ياطيبكم لو تردون الجهامه
أهل الجبل مافجعهم كلب نباح= كلبٍ تراقل من الذله عظامه
صياف=
يابايع الحب راع السوق فلاح= من ماه يشرب و يأكل من طعامه
بعيرك اللي مع الضلعان جماح= بكره يجي ماعلاه إلا المسامه
حبيب=
إليا لقانا لقفل الباب مفتاح= كلاً عرفنا حلاله من حرامه
طب الدواء يداوي كل الاجراح=و إلا طبيب العجم ما افهم كلامه
صياف=
الله يعين أبن عبده و أبن مداح=بلشوا مابي الحماطه و البشامه
دواك للقلب الابيض سم ذحاح= من صاحبك و اعذابه وازيامه

صحت السنتهم

وبيض الله وجهك

الله يـعـطـيـك الـعـافيـــــــــــة
بيض الله وجهك

راعــ(البل)ــي

الحب الباقي

مشكورين على مروركم

الله يـعـطـيـك الـعـافيـــــــــــة

صحت السنتهم وبيض الله وجهك على النقل

ألف شكر على المحاوره
بارك الله فيك
يعطيك العافيه ...
تحياتي .

الله يعطيك العافية


بارك الله فيك

الله يـعـطـيـك الـعـافيـــــــــــة على الاخـــتيار المــوفــق
بيض الله وجهك